ديوان الشاعر عبدالله العليوي . رحمه الله .. - الصفحة 6

02-26-2010, 10:15 PM

حاولت أعزي مثل غيري من الناس
لقيت نفسي أستحق العـزاء فيـه
يا موت مالك قلب ما عندك إحساس
ما شفت حال اللي فقد شوف غاليه
يا موت ما ترحم طوى حالي الياس
قلبي جريحٍ ما لقى مـن يواسيـه
يا موت لو تشرب من الهم لو كاس
ترحم وحيـدٍ هـم قلبـه يباريـه
قالوا مقدر قلت يا نـاس لا بـاس
أصبر وهمي في حشا القلب مخفيه
أمرٍ قضاه الله على العين و الراس
خلوني أنسـى لا تجيبـون طاريـه

02-26-2010, 10:16 PM

قضى العمر يا ظالم وأنا أقول عنك اقفيت
والا شفت زولك بالصدف هلت اعيانـي
مشى القلب في ظلك يباريك لو صديـت
ولو عفت حبك يوم مـا عفتـه الثانـي
أنا ما قويت أنسـى حنانـك ولا ظنيـت
سألتك بربـك ويـش كلفـك نسيانـي
وأنا أشـوف زلاتـك بعينـي إلا زليـت
وش اللي يفيد الشوف والقلب عميانـي
أخذت العزاء مني ولا قلب لـي خليـت
وأنا من هواك اليـوم حبيـت حرمانـي
عطيتك حياتـي يـا قمرهـا ولا رديـت
أبي منك لو نظرة ترى هجرك أشقانـي
أبي قلبك القاسي وراضي بمـا سويـت
تعاتـب وتجرحنـي وتامـر وتنهانـي
لك الحب مشاني أنا في هـواك إبليـت
أحبك ولـو صديـت يـا كـل خلانـي

02-26-2010, 10:17 PM

يتك تعيش بواقع الحب لو يـوم
و الا تشوف لوضعنـا ذا نهايـه
بالحب أنا يا غاية النفس مظلوم
محتاج يا لغالي لعطف ورعايـه
لي السهر ولعاذلي لـذة النـوم
من شان حبك ما سهرنا هوايـه
ما صابني من نظرة العين مقسوم
أسيـر حبـك لا تحطـم رجايـه
ما كل عين تجرح القلب بسهـوم
و ما كل من يرمي يجيد الرمايـه
أنشهد إني منك يا زين محـروم
معك ابتديت وفي هواك النهايـه
فات الأوان و لا تزيدون باللـوم
الصبر بيدي يوم قلبـي معايـه
بالاسم والمعنى و ما قلت مفهوم
يا شمس عمري يا بدر في سمايه

08-01-2011, 04:49 PM

يعطيك العافيه
طرح رائع بل اكثر
بـانتظار جديدك بكل شوق
..
اجمل التحايا
دمعة القلوب