الهئيه والبنات الاربع

#1 (**permalink**) 02-15-2010, 02:28 PM

اللي يبينا عيت النفس تبغيه واللي نبيه عيى البخت لا يجيبه

منقول من لسان محدثكم وصاحب هذه الرسالة الإيميلية عاش الموقف بنفسه في مدينة أبها

يقووووووووول/

كنت في طريقي أبها-الخميس بمدينة أبها وكنت على

موعد مع أخوياي كالعادة كل أربعاء نتقابل بعد صلاة العشاء نتمشى الى

الساعة عشرة ونتعشى وبعد العشى نروح

مقهى هايبر كافيه إلى على طريق الممشى وبعد ما يقفل المقهى نتجه لإستراحة مستأجرينها جهة المطار نلعب بلوت مع الشاهي المحكور

إلى صلاة الفجر وفي هذا اليوم اختلف البرنامج تماماً

أوقفت سيارتي بحي الموظفين

وطلعت مع خويي في سيارته

قال : بنمر أسواق عسير مول و مجمع بنده وإكسترا

قلت له : لا تروح هناك اليوم الربوع والعالم زحمة سيارات وما يمديك تدخل ولا بتطلع إلا بعد طفش من الزحمة

قال: يا رجال نتفرج ما ورانا شئ

قلت : يا هووووووه اليوم

أربعاء وزحمة واكيد فيه هيئة

قال وش علينا كل العالم تروح

المهم رحنا

دخلنا السوق المجمع وكان مزحوم وكانت الهيئة موجوده وبشكل كبير أكثر من السيارات

المهم أخذنا لفة وحدة وكان قلبي مش مرتاح قلت فيه شي او راح يصير لنا شي

وانا من النوع أحس اذا فيه شي ودايم سبحان الله يطلع احساسي صحيح المهم

وحنا في اللفه الثانية وأحنا جايين من جهة بوابة أسواق بنده متجهين لعسير مول

الأسواق في اليمين ومواقف السيارات على يسارنا

وهناك لقينا سيارتين للهئية

واقفين متخفين بعيد وكأنهم يراقبون أحد

المهم

قلت: لخويي قلبي يدقني فيه

شي بيصير

أخذ لفة ثانية المهم وحنا في اللفه الثانية الا

الشارع

فيه زحمة وصوت كلام عالي ومانشوف شي سيارات زحمة

والسيارات واقفه فقلت في نفسي أفتح الباب

وأوقف المهم

فتحت الباب ووقفت لقيت واحد من الهيئة يصارخ

على أربع بنات ووحدة منهم هي اللي تصارخ عليه وتتكلم معاه وشوي وهو

يقول لها ما اقدر أمد يدي عليك خليها تجي بالطيبه وهي تقول انت خليت فيها طيبة أصلاً

( وش دخلك فينا يا مطوع )

المهم قال شغلك معاي قالت له البنت

أطقع ما أشوف أنت وإذا أنت رجال الحقني المهم ركبوو السيارة وهو يقول

لأخوياه وراهم ولا تتركونهم وقمنا حنا لفينا يسار ورحنا نتفرج بعدها أتجهوا البنات جهة سيارة من نوع ليكزس مظللة كتم موديل جديد 2005 اللون أبيض والله أعلم أن البنات ذولي واصلين والا ما أعتقد أنهم يتكلمو بالكلام ذا لجهات حكومية لأنهم دارين أنهم بيطلعون من المشكلة سلام سلام أو مثل براد أبو ريالين

عـــــمـــــــومـــــــــــــاً

انطلقت السيارة اللي فيها البنات ومسرعين ومتجهين على طريق الخميس

ووراهم سيارتين حقت الهيئة وحنا ومعانا سيارات زحمة نلحقهم المهم السيارات

في سرعة عالية مرة

وهنا يبان لنا انها مطاردة ياساتر على السرعة وانا خويي اقول هدي تكفى هدي يا عبدالله السرعة

وانا خايف من خويي عبدالله اندمج وهو يلحق السيارات وانا يا فلان يا فلان تكفى هد السرعة والله يا ذولي ما ينفعونا

اتركهم وش علينا منهم

وهذا تخصصه يحب يشوف علشان العالم كلها تدري

المهم وحنا وراهم وأتجهوا يمين جهة المطار وسيدة مع دوار المطار أخذوا يمين وكل السيارات

معاهم ومسرعين والسيارة اللي فيها البنات

أول سيارة في المطاردة وكانت سرعة جنونية وسيارة الهيئة

وراهم نفس السرعه والظاهر أنه خويهم ماهو سواق والا ما يسرع السواق السرعة ذي في حينها تفاجأ السواق إلا وهو

طاب بنقطة تفتيش مرورية مع نهاية المزدوج المؤدي لطريق الملك عبدالله

عندها خاف السواق ومسك بريك بقوة ليأخذ الريتيرن (فوق تحت) وهو بسرعة عالية

وفجأة حاصت السيارة يمين ويسار وما قدر السواق يسيطر على الطارة فأنقلبت السيارة تقريباً أربع قلبات وكان هذا الحادث أول حادث بحياتي

يا شباب أمام عيني والحادث كان شنيع بالمرة

وإذا بالقلبة الأولى

من قوة الانقلاب قفزت البنت من السيارة بدون عباء

واخيرا وقفت السيارة بعد اربع قلبات وسيارة الهيئة أصطدمت بسيارة البنات في آخر قلبة ولا انقلب

وانا هنا وقف شعر راسي وجاتني مثل الدوخه وخويي وقف سيارته نزل قلبه بين رجولة من المنظر الشنيع ومن الخوف ما قدرت أنزل من السيارة إلا بعد ما تجمعت الناس على السيارة والبنت

بس منظر البنت سبب الصدمه يخوف ولي أسبوع اذا تذكرت الموقف ما أقدر أحمل نفسي

الموقف

المهم شوي ونزلت ورى خويي والعاااااااااالم واقفين

واللي يسوق سيارة الهئية واقف منبهر يبكي وحاط يدينه على راسه وبعض الشباب جزاهم

الله خير يبون يشيلون البنات قمت انا وكم واحد غطيناهم ما ندري هم أحياء وإلا أموات

وبالصدفه أتصل علي ولد عمي قبل الحادث بدقيقة وشرحت له الموضوع قال لي أنا طالع من المطار لأنه كان يحجز ويقص تذاكر على جدة ومن جدة بيسافر دولة أيرلندا للأبتعاث وكان تخصصه

طب وجراحة أثناء الحدث أتصلت عليه مرة ثانية وقلت تكفى يا أحمد ألحق على المصيبة اللي حصلت

ووصفت له الحادث

وجاء مسرع

وبقلب قوي وقام يكشف عليهم وحدة وحدة ويمسك يدها ومن بنت الى بنت وآخر

راح للبنت للي طلعت أثناء الانقلاب وقام من عند البنت ووقف وهو بنفس الوقت حزين لأنه عارف أنهم قد فارقوا الحياة وعنده خلفية من خلال دراسته بكلية الطب بأبها

والعالم كلها تناظر فيه ونزل راسه قال الله يرحمهم

هنا العالم انبهرت وترحموا

عليهم وقمنا وغطيناهم بعد ما كشف عليهم أحمد ولد العم وشوي الا جاء واحد من اخوياي حقين الاستراحه يطالع في

سيارة البنات يمين شمال وراح من هنا ومن هنا وراح وشاف رقم اللوحة وقام يبكي ويصييييييييح

وااااااااااااااااااااااااو

قال له واحد : تعرفهم قال ايه يقربوون لي

قال له : تعوذ من الشيطان يمكنك غلطان قال لا يقربون لي

قال أكشف على وجيههم

قام وكشف على وجة بنت بنت ومن وحدة الى حدة وعرفهم

وااااااااااااااااااااااااااااااو

وهو يصارخ بقوة

تكفون يا أخواني ذولي يقربون لي