تحميل رواية حياه الروح كاملة،رواية حياة الروح للجوال،لتحميل رواية كاملة - الصفحة 3

01-10-2010, 11:58 AM

البــــــــــــارت الـ 19:
.
.
.

قرب و بجرأة باس خدها و راح لسيارته ,

و هي ...........!!!!!!!!!!!!!!!!!!!!!!!!!!!!!!!!!!!!

كانت عيونها مثل الفنجال من الصدمة و انفاسها تتضارب , كانت تلهث
رمشت بعيونها و ابتسمت على خفيف بتوتر و ارتباك ,

كانت مهي مستوعبة الكلمة انقالت و كانت تنتقل بعيونها في الارض بحماس و مع كل رمشة ابتسامتها تتسع ,

رفعت يدها لتحت طرحتها لين وصلت لخدها ,
لمسته ,

حست ان بوسة مشاري تخللت الطرحة و وصلت لخدها و انسابت لين وصلت قلبها ,

تنهدت في فرح لا يعادله فرح ,

كانت سرحانة ,

قطع عليها سرحانها السواق لما فتح شباك السيارة اللي جنب حلا و التفت عليها و قال :

عــــــــــــــمـــــــــــتي..

فزت حلا و التفتت له : هاه هاه ..

محيي بابتسامة واسعة : يلله عشان روه ..

حلا بصوت عالي مع الربكة و الفرحة : عساااااك الروه اللي يرهّكـ..

محيي : شنو يأني !!؟

حلا و هي تركب السيارة : يعني .... يعني يله امشي امشي ..

تحركت السيارة من امام باب الفيلة ,

و مشاري يناظرها من مراية السيارة الامامية و مبتسم ,

" كلها 3 شهور و اكون معك يا حلا..."

ابتسم و هو يتذكر محادثته لعمته ,

" مشاري : بـ... بــصـ...

الجدة نورة بعيون خبيثة : يا ولييييدي وراااكـ مرتــبـــكـ!!!

مشاري ناظرها بارتباك و رجع ناظر الارض و هو شابك يدينه و يحرك ابهامه اليمني و اليسار في حركة دائرية , : ااانـ..

الجدة نورة بنص ابتسامة مليانة خبث: يبـه .. ابوكـ مكلمني من زمـان .. قبل وفـاة فـ...- تنهدت و قالت و هي تخفي حزنها بابتسامة – قـالي عى كل شي ..

مشاري انصدم و بان على وجهه المفاجأة : عمتي....

الجدة نورة ترفع يدها تسكت مشاري : ان شاء الله على الاجازة الصيفية تكون الامور هدت , و بداية الاجازة نسوي ملكتكم و نهايتها العرس ,

مشاري تفاجأ اكثر و اكثر و رفع ظهره و انتصب ..

قال : لا يا عمتي , انا مقدر الظروف , انا كنت بس ابي اخذ كلمة انها ما تروح مني , و الا الزواج مـ....

الجدة تقاطعه : و انا اعطيتك كلمة و موافقة و موعد , زهب عمرك ما بقى الا 3 شهور ,

مشاري : بــس.......

الجدة : لا بس و لا شي , هذا آخر كلام , و اذا ما اعجبك خلاص تروح لغيرك – قالت آخر جملة بخبث و بنظرات جانبية لمشاري –

مشاري فز : لالالا .. خلاص خلاص اللي تبينه يمه ..

الجدة ضحكت :ههههههههه , الله يسعدك يا وليدي , - بخبث و هي تنغز رجله بالعصا – من متى و انت حاطها في بالكـ ؟ هاه !! و لا تقولي و لا شي , آآآآآآه منكم يالعيال التالين , كل شي تطبخونه بالسر ثمّن تكبونه علينا ,

مشاري ابتسم و هو يناظر الاسوارة اللي في يده , ناظر عمته بابتسامة هادية و في عيونه فرحة الجدة حست فيها و فرحت عشانها ""

تنهد و هو يتذكر اللي صار , ناظر ساعة السيارة و عبس و تذمر بهمس: اووووه تأخرت ,,

شغل سيارته و مشى و طلع من البيت و في قلبه امل لبكرة ,
.
.
.
.
.

في ستار بكس :

فز سعود من مكانه و هو يسمع الكلام اللي انقاله بثوران و قال :

نـــــــــــــــــــــــــــــــــــعـــــــــــــ ـــــــــــــــــــــــــم !!!!!!!!!!

انكمشت حلا في مكانها و غطت عيونها في خوف ,

سعود يناظر حلا بعدم تصديق :

شلــــــــــــــــــــــــــــــــــــــــــــــــ ـــــــون !!!!!

حلا ناظرته بخوف : هاه !! مممممممن خخخخاااالد.......

سعود ناظر حلا بحدة :
غبيــــــــــــــــــة , هالبــنــــــــــــــــت غبيييييييييييييية ,

حلا بارتباك و نظرات ترجي لسعود :
وووووش ننسوي ؟؟؟

سعود ضرب الطاولة بيده في عصبية ..

حلا فزت و نزلت دمعتها و ارتجفت شفايفها و غطت وجهها بكفها ,

ناظرها سعود بطرف عينه و تنهد ,

حلا و هي تبكي :

ررررريييييف مممما غغغغلللللطتتتت الللغللللللط عععععلىىىىى خخخخخاللللد

رييييييف مممما تتتبي تتتتتنننزللله وووو لاااااا تتتتبي خخخخخاااالللللد يييييدرررري

- رفعت عيونها لسعود اللي ضعف قدام دموعها –

سعوووود ممممالنااااا غيييييرك

علللمنا وششش نسسسسووووووي ؟؟؟

سعود تنهد و مسح وجهه بيدينه ..

نزل يده اليسار و ابقى اليمين على فمه دلالة على التفكير ,

كان يناظر في الطاولة اللي قدامه و حلا كانت تبكي ,

سعود يقول في خاطره :

" ليش يا ريف سويتي كذا ؟ ليش حطيتي نفسك في موقف و حطيتينا معك في موقف الله اعلم شلون نطلع منه ,
ليش يا ريف بس ليش ؟؟؟

"

ناظر حلا و هي تبكي و كسرت خاطره , شلون لو شاف ريف ..

سعود يحب بنات اخوه و خواته بشكل فظييييييع ,

تنهد و قال :

خلاص انتي ارجعي البيت و انا بحل المشكلة ,

رفعت حلا راسها و قالت برعب:

بتعلم ناصر !!

سعود سكر عيونه و تنهد : قلت لك بتصرف خلاص ,

حلا بصوت واطي تترجى سعود :

تكفى يا سعود لا تعلم ناصر اخاف يذبح ريف

سعود بنرفزة و عصبية :

يذبحهااااااااا !!! هي ما سوووت شي حراااام !!

هي غلطت ايه , بس ما كفرت ,

اففففففففف

يله روحي البيت و انا بتصرف ,

اصبري ,

- ناظر حلا بعيون تنبأ انه لقى فكرة -

ريف سحبوا ملفها من المدرسة صح !

حلا تفكر و هي تشاهق و تمسح خشمها :

ايه , سحبوه من اسبوع ,

سعود هز راسه بإيه , ناظر حلا : يله روحي ,

قبل لا تطلع حلا ابتسمت و طالعت سعود , :

سعود ,

رفع راسه لها , بس تفاجأ فيها ترتمي في حضنه , حلا بامتنان :

شكرا يا تاج راسي ,

- رفعت راسها عن صدره و رفعت جسمها و حبت راسه –

سعود مرة تأثر بهالحركة و حس انه من جواته فرح ,

ابتسم لحلا و قال :
اذا ما كنت انا سندكم , من يكون !

ابتسمت حلا و قربت و باست خد سعود ,

بعدت عنه و اتجهت للخارج و طلعت ,

اما سعود لمس خده و هو يبتسم ,

حس انه اصرّ انه لازم ينفذ اللي براسه ,

طالع ساعته ,
" ما اظن انه نايم "

طلع جواله و ضغط على الاسهم لين لقا الرقم ,

دق عليه و انتظر لين يرد ,

و جاه الصوت : آلووو ,

سعود بابتسامة : هلا هزاع , مراااحب ,
.
.
.
.
.
.
بعد العصر ,

الكل عرف بولادة لين ,

قررو يروحون لها ,

و الكل لازم يروح ,

بأمر من الجدة نورة طبعا ,

كان الكل يستعد انه يروح ,
.
.
.
.
*في بيت ابو فهد ,*

دخلت على غرفة اختها ,

ناظرتها و هي منسدحة على السرير ,

قربت منها ,

جلست على السرير جنبها ,

مررت يدها على شعرها ,

ظلت تتأمل وجه اختها التعبان ,

النضارة اللي كانت فيه اختفت و الهالات السودا حول عيونها وضحت ,

شفايفها الوردية صارت بيضا

و خدودها بهت لونها ,

انسكر خاطرها على اختها ,

نحفت و عظام خدودها بانت ,

تذكرت شكلها اول ,

كانت ملكة جمال ,

الكل ينشد ربه يرزقه ربع جمالها ,

القمر كان يستحي منها ,

القمر كان يستحي منها ,

القمر كان يستحي منها ,

الـ.. ـقـ..ممم

- خنقت العبرة راما و هي تناظر ريف و تذكرت الكلام اللي قالته لها و لامت نفسها ,
بدل ما اكون لها عـ......-

ما تحملت راما نفسها و رمت بعمرها جنب ريف على المخدة ,

كان وجه راما مقابل لوجه ريف و قريب مرة ,

مررت راما يدها على خد اختها الايسر ,

و انسابت دمعة من عيونها على خدها ,

همست راما بصوت مخنوق فيه الصيحة :

آسفة ..

سكرت راما عيونها و سالت منها الدموع و عضت شفايفها و عقدت حواجبها ,

بس مسرع ما ارتخت عضتها و فتحت عيونها على أثر اللمسة اللي جت لخدها ,

ناظرت عيون اختها اللي تناظرها و الدموع فيهم ,

كانت ريف مبتسمة بس باين على شفايفها انها تقاوم عشان ما تبان عليها العبرة :

لا ... خـ...لا و لا عدممممممم

بكت ريف عند آخر حرف و اهتز جسمها ,

اما راما فعضت على شفايفها اكثر و اكثر عشان ما تنفلت العبرة ,

ما تحملت و حضنت اختها لصدرها ,

و بدوا يبكون ..
.
.
.
.
.
.
.
.
.

مرت فترة لين هدوا الثنتين و,

وخرت راما راس ريف عن صدرها و مسحت بإبهاماتها دموع ريف اللي على خدودها,

اما ريف فبان عليها الراحة اكثر من اول ,

و فرحت راما ,

راما قالت :
ريف , لا تضعفين ,
احم احم ,
انتي كنتي دوم مصدر قوتي ,
انتي سندي ,
انا بوقف جنبك ,
و حلا جنبك,
صدقيني كلنا جنبك ,

حتى البـ....

انقطع الكلام لان الباب انفتح بقوة
و دخلوا منه لارا و لمار و لانا و حلا,

قامت ريف و معها راما متفاجئين ,

اما البنات فكانوا واقفين عند الباب الا حلا اللي اتجهت للدريسنق روم ,

لارا بقهر و هي تسكر الباب بقوة و توجه كلامها لريف و هي ترفع اصبعها بوجه ريف:

انتي ما تستحييييييييييييييييين !!
شلوووووووووون تسوييييييييييين كذاااااااااا ,

ريف و راما انصدموا ,
خصوصا ريف اللي انجرحت ,
راما قامت من السرير و مسكت اصبع لارا و نزلته :
هييييه انتي لا ترفعين صوتك على اختي ,
و اصبعك ذا لو رفـ....

لارا و هي تقاطعها و تناظر ريف و لا اكترثت براما :
شلووووووووون يطااااااااااااوعك قللللللللللبك على هالعمللللللللة السووووووووووودا؟؟؟؟؟

راما منصدمة بس مو من كلام لارا , لا من تناحة لارا اللي كأنها ما تطالع راما ,

ريف قالت بصوت هادي بس حازم : لو سمحتي احـ...

لارا تقاطعها :
شلوووووووووون تخبييييييييييين عننا امر زي كذاااااااااااااااا !!!؟؟؟؟
شلوووووووووون ما تعلميييييييييييييينا !!!!!

ريف و راما :!!!!!!!!!!!!!!!!!!!!!!!!!!!!!!!!!!!!!!!

لانا بصوتها الناعم تحاول تصير عصبية :

انتي مرررررررررررة حمارة , و وقحة بعد ,
ليش تخبين عننا و احنا اللي متعاهدين ما نخبي عن بعض اي شي و نوقف جنب بعض في كل محنة !!
صحيح انك زوجة اخوي و المفروض افرح بهالخبر بس و لو انتي بنت عمي و توأم روحي و الـ....

طقتها لارا على راسها و قالت :
يا تببببببن انا بعد توأم روحك ,

لانا و هي تمسح على شعرها بألم :
كلكم يا زفت توأم روحي , بس ريف هي الـ issue هنا ,

لارا بتفهم و هي تهز راسها لتحت : صح صح ,

لمار برقة و هي تقرب لريف :

كان لازم تعلمينا و لا تخبين هالشي لنفسك يا ريفوو

احنا ما راح نتركك لوحدك
و راح نوقف جنبك ,

- جلست لمار جنب ريف و هي تمسح على شعرها –

احنا ابتدينا سوا و راح ننتهي سوا ,
كلنا ,
راح نكون يد وحدة ضد اي مشكلة تواجهنا ,

- قربوا البنات من ريف و تحلقوا حولها –

(تكمل لمار )
اليوم راح ننام كلنا عندك , لا مو بس اليوم ,

و الايام الجاية ..

لانا و هي تمسك يد ريف :

راح نكون معك يا ريف خطوة بخطوة ,

لارا و هي تطق كتف ريف :

بس لو بنت بتسمينها علي ,

البنات :هههههههههههههه

ريف و هي تمسك العبرة و دموعها تنساب على خدها و تناظر البنات:
مدري شقول و ..ربي ,

حضنت لمار ريف اللي بكت معها ,
اما لانا فضغطت على يد ريف ,

طلعت حلا من الدريسنق روم و هي تغني :

الحب خالد و حبي خالد و باااقي للي أحبه,

كانت شايلة في يدها بنطلون و بلوزة و صندل بكعب ,

طلعتهم و ابتسمت بسخرية:

اذا خلصتوا الفيلم الهندي هذا علموني ,

ضحكوا البنات بمن فيهم ريف ,

حلا: يله عشان نطلع للسوق نشتري للين هدية,

ريف عقدت حواجبها : ليش !!؟

لارا و هي تطق كتف ريف :
صرررررررت عمة للمرة الثاااااالثة

ريف و هي تناظر راما من طرف عينها :
لو سمحتي كتفي بينخلع و السبة انتي !

- ناظرت ريف حلا و قالت –

ما شاء الله ولدت !

حلا : ايه ولدت الحمدلله اليوم ,

عاد امي تقول لازم نروح لها ,

و هم راحوا الحين ,

ما بقى الا حنا يالبنات ,

يله البسي عشان نروح , و لا تقولييييين لا !!

فاهمة ,

البنات طالعوا ريف و قالوا بترجي :
بليييييييييييييييز

ريف ضحكت :ههههههههه اوكي ,

قامت من سريرها و راحت لحلا و اخذت منها الملابس و الصندل و راحت للدريسنق روم ,

دخلتها و جلست على الصوفا و ناظرت المراية اللي قدامها ,

كانت تطالع شكلها ,

كان في عيونها بريق غريب ,

اللي ما قالته ريف لأي احد ان فهد كان يجيها في النوم كثير,

و آخر مرة جاها كانت قبل لا تدخل عليها راما ,

قالها جملة وحدة كانت كفيلة انها توقظها من الغفلة اللي هي فيها ,

" انتي مو محتاجة للكل , لكن , الكل محتاج لكـ "

الكل محتاج لي , و وقفتي على رجلي لأجلهم

هم اللي يستاهلون اكون جنبهم ,

لازم اكون اقوى من كذا ,

لازم ابين لهم ان الموت مو شي شين ,

بالعكس هو شي زين ,

لازم ابين لهم انو مو نهاية العالم ,

و اننا بس فترة و نلتقي باللي فقدناهم ,

- طرى في بالها خالد و الكف اللي جاها و اللي توها تستوعبه-

و بتشوف يا خالد اني اقوى منك ,
و الكف هذا راح يرجع لك,

- حطت يدها على بطنها –

لا تخاف راح احميك ,

- ابتسمت و ناظرت ملابسها اللي لابستها , كان لونها اسود,-

هاللون لازم يروح , لازم يتغير,
- ناظرت ملابسها اللي جنبها , و ابتسمت –

ربي لا يحرمني منكم
.
.

قامت و لبست الملابس ,

لبست الصندل,

طلعت من الغرفة و اتجهت للحمام ,

غسلت وجهها ,

و ناظرت شكلها في المراية ,

صممت انها ترجع ريف الاولى ,

و انها تثبت للكل انها اقوى مما يتصورون ,

طلعت من الحمام و اتجهت للتسريحة ,

مسكت المشط بيد ترتجف ,

ناظرت يدها ,

تنفست بعمق و شددت قبضتها ,

مشطت شعرها و رفعته بربطة صفرا ,

رسمت حواجبها بصورة جذابة ,

و رسمت عيونها بالآي لاينر ,

حطت بلاشر ,

مسحت على شفايفها بروج بلون الكرز ,

و تعطرت ,

نزلت العطر و طاحت عينها على الصورة اللي كانت جوا فريم فوشي على التسريحة,

تنهدت و هي تناظر بعين حزينة و قالت :
ربي يجمعني فيك يالغالي في الجنة ,

ابتسمت بهدوء و مررت يدها على الصورة و همست :

احبك يا خوي لين يومي الأخير,

تنحنحت ,
لفت على البنات و قالت بهدوء:

شرايكم؟!

التفتوا لها ,
و الكل انبهـــر ,

كانت لابسة بنطلون جينز فاتح من اللي يجي ضيق من تحت , و اصلا كان ماسك عليها مرة ,

و تي شيرت ابيض كت مرسوم عليه رسمات بألوان فاتحة ..

و الصندل الكعب الأبيض ,

كانت روعة ,

راما صفقت :
وااااااااااااااااااااااااااااااااااااااااااااااااا او
Welcome back refoooo

حلا مسحت دمعة من عينها و قالت :
هاذي ريف اللي اعرفها ,

ابتسمت ريف بفرح انها قدرت انها تبسطهم ,
و لسا باقي قدامها مشوار ,

.
.
.
طلعوا البنات كلهم من الغرفة و اتجهوا لخارج البيت ,
كانوا برا ينتظرون السيارة تجي ,

ريف طلعت نظارتها الشمسية و لبستها بعد ما تحجبت ,

حلا همست لها :
ما راح تتغطين !

ناظرتها ريف و قالت بحزم :
لأأأ,

حلا رجعت راسها لقدام مستغربة ,

راما كانت حاطة الطرحة على شعرها بس ما لفتها ,
و لارا متلثمة ,
لانا متحجبة
و لمار و حلا متغطين ,

جت البورش كايين ,
ركبوها البنات ,
,
حلا : وين نروح !
ريف : المملكة , اتوقع بنلقى شي هناك ,

حلا : محيي انقلع للمملكة ,

محيي : طيب عمتي ,

راما و هي تلعب بالآي بود حقها :
ما تدري يا محيي وش معنى انقلع !!

محيي : لا عمتي ,

راما و هي تحط السماعات على اذنها عشان تسمع :
يعني تقلع ,

محيي: طيب عمتي ,

البنات :ههههههههههههه

لانا : حرام عليكم تلعبون بمشاعر الرجال , محيي روح للمملكة ,

محيي : طيب عمتي ,

اتجهوا البنات للمملكة عشان يشترون للين هدية ,
.
.
.
.
في هالأثناء
في المستشفى

اول ما فاقت لين ,
كان جنبها محمد اللي كان يلعب بشعرها ,

محمد بهدوء : الحمدلله على سلامتك يا روحي ,
لين : يسلمك ربي حبيبي,

تنهد محمد و هو يقول و عيونه ناعسة : من زمان عنها ,

ابتسمت لين و هي تبوس يد محمد و دمعة تنساب من زاوية عينها :
سامحني يا غلاي ...

رفع محمد يدها اللي ماسكة بيده و باسها لمدة طويلة و سكر عيونه,

لين ابتسمت و قالت :
بتمص دمي يا محمد ,

محمد وخر شفايفه عن يدها و قال و في عيونه دموع:

ليتني اقدر ..

هدت ابتسامة لين و ظلت تتأمل عيون محمد بحب و هو يبادلها النظرات و المشاعر ,

قطع عليهم دخول الجدة اللي على طول اتجهت للكنبة و جلست بدون ما تسلم و لا تتجه للين ,

فصخت لثمتها و قالت و هي تمسح نظارتها :

يله يا سينتي انتي و المرجوجة اللي معك دخلوا الاغراض ,
دخلوا الشغالات اللي كانوا شايلين شنط القهوة و الشاهي

الجدة : ودوهم للمطبخ , بعدين انزلوا و خذوا الحلويات من المدامات ,- تكلم نفسها-
و الله مدري وش جمع مدام ,- رفعت راسها- يله بسررررعة ,

محمد كان شبه منسدح جنب لين و حاضن يدها و مدد رجله اليسار و يضحك:

يا حليييييلك يمه نورة , وشوله الكلافة يمه !!

الجدة ناظرته بنظرات نارية ,

همست لين : يا ويلك يا محمد ,

الجدة : حلّ الله حلووووول العدو , اصغر عيالك انا تقول يا حليلك هااااااع !!
اعتدل في جلستك الحين يدخلون حريم عمانك يشوفونك كذا ,
واخزياه محنب ناقصين حنا مناظر مخلّه ,
يكفي اللي اشوفه من ابوك و اخوانه مع حريمهم ,

محمد اعتدل و قال: الله يا يمه , مخلّه مرة وحدة , كبيرة هالكلمة من وين جايبتها !!

الجدة ارتبكت بس قالت : وش علييييييك , يله عن الهرج و ورني عرض اكتافك ,
رح للقسم الثاني ,

شوي و يدخلون جولي و كاثي و نسرين و مارلي ,

و وراهم الشغالات اللي شايلين مثل الباقة الكبيرة يالله يشيلونها ,

كانت باقة كبيرة من الجوري و منزلّ منها التشوكليت بشرايط ساتان وردي

حطوها على مثل الستاند في زاوية الغرفة بحيث اللي يدخل تطيح عينه عليها ,
شوي و يطلعون الشغالات و يرجعون بصينية كبيرة خشب مبطنة بمثل الزرع و طالع منها زي الورود الصغيرة , و التشوكوليت كان على شكل ورود ,

حطوها على الطاولة ,

بعدين طلعوا و جابوا صندوق خشب كبير حطوه جنب سرير لين و فتحوه

و كانت فيه فلوس من فئة الـ 500 ملفوفة كل وحدة لحال و منثورة بشكل مبعثر بين جنيهات ذهب ,

و شوي رجعوا بلوحة كبيرة حطوها جنب الباب

كان مرسوم على اللوحة عبد العزيز و جولي عيال محمد
بس مو مرسومة بالألوان ,
لا ,
مرسومة بحبات التشوكوليت المغلفة ,
بحيث الوان القرطاسة هي الوان الصورة اللي كان الفريم حقها ذهبي
و الصورة تقريبا متر في متر ,

محمد و هو يطالع مبهور : وااااااااااو

ليش الكلاااااافة هاذي كلها ,

قربت جولييت من لين و باست راسها و قالت:

همدلله ألى سلامتك هبيبي,

لين ابتسمت بحب : الله يسلمك ماما ..

جت كاثي و هي خانقتها العبرة :

اوووووو هبيبي , يأورك الجره؟؟!

لين تضحك :ههههههههههههههه ماما هاذي مو أول ولادة لي

كاثي و هي تمسح على راس لين :
و لــــااااااوووو لازم يأورك يا هبيبي ,
مهمد , مافي بيبي كلاص
بأد 3 سنين ممكن

الهين نوووووو..

محمد :هههههههههههههههههه طيب يا ( كالتي )

الكل :هههههههههههههه

قربت نسرين بحب من لين و تحمدت لها بالسلامة ,

قبل لا تبتعد نسرين عن لين مسكت يدها لين و قربتها منها و همست لها ,

ناظرتها عقب نسرين بحب و عيونها تدمع ,
بعدين باست راسها ,

و ابتعدت ,
و بعد مارلي باست خد لين ,

محمد : الحين هالقرابيع , اقصد هالهدايا من شراها !!؟ من مين يعني !!

الجدة :
الصندوق من امك , و المزهرية من خالتك و اللوحة من نسرين و الصينية الخشب من مارلين ,
و انا هديتي محولتهن على حساب لين ,

محمد ابتسم بحب لجدته : كثر خيرك يم عبد العزيز ,
كثر خيرك يا girls
ههههههههههههه

ضحكوا زوجات عمانه لانه كان يقصدهم يوم قال قيرلز ,
انشغلت الجدة بالسواليف مع حريم عيالها..
ناظرت لين محمد و همست له :
حبيبي,
همس لها محمد : لبيه يا قلبي ..

لين ناظرته بعطف :
تكفى , ابي خالد يجيني هنا ,

ناظرها محمد و بانت في عيونه القهر و قال :
لين , انتي عارفة وش صار آخر مرة ,

لين تسترجي محمد بنظراتها :
تكفى يا حبيبي,

محمد وخر عيونه عنها دلاله على الرفض ,

همست لين و هي تقرب اصابعها من شفايف محمد :
دوديييييي

وخر محمد راسه عن يدها بانزعاج و ناظرها بطرف عينه و قال :
طيييييييييب امري لله ,
لين ابتسمت بفرح : فدييييييييييييييييتك ,

بس علمه عن البيبي و عن الاسم اللي اخترناه ,

ابتسم محمد : اوووكي ,

طلع محمد من الغرفة عشان يدق على خالد و يعلمه ,
.
.
.
.
.
.

في الســوق ..

كانت واقفة عند عند قسم ملابس الأطفال ,

و ماسكة في يدها بربتوز لبيبي لونه أصفر ,

كانت تتأمله بحب و حنان غريب ,

حلا بهمس : ريف ؛ انا قلت لسعود خلاص ,

التفتت لها ريف و قالت :
شكانت ردة فعله ؟

حلا ابتسمت و هي تذكر كلمة أخوها :
يقول اذا ما كنت سندكم يعني مين راح يكون ؟

ابتسمت ريف بحب :
فديته , قدها و الله ,
احــم ؛
انتي ايش راح تشترين للين ؟

حلا بتفكير : مدري , بصراحة حريم أخواني سووا شي خلاني احس اني فقيرة و ما عندي ذوق و لا أفكار و لا شي ..

ريف :هههههههههههه .. ليش طيب ؟؟

حلا : اذا رحنا هناك راح تعرفين اول ما تشوفين ايش جابوا ..

جتهم راما و هي حاطة سماعات الآي بود و تدندن مع الأغنية ,
راما : أقول , الحين لنا ساعة هنا ما عرفنا وش نشتري لها ,
خذوا رأيي و خلونا نعطيها فلوس و خلاص ..

حلا و هي ترفع عيونها لفوق : جتكم العجوز عاد ...

ريف تحط يدها على شفايفها عشان ما تضحك ..

راما و هي تضغط في جهاز الآي بود و كأنها تدور شي :

I heard that ..

.
.
.

عند لمار و لارا ,

لمار و هي تتنهد التفتت عليها لارا و همست :
متى بتقولين للبنات ؟

لمار و ذهنها مشتت :
اليوم , بكرة , مدري .... شرايك في هالطقم !! حلو صح !!؟

لارا تسكتها : ايه ايه ,

ابتعدت لارا عنها و راحت للانا اللي كانت تضغط في جوالها ,

لارا بفضول: وش تسوين ؟

لانا و هي مركزة في جوالها , بهمس : ارسلت لي لين مسج , تقول متى بتجون ؟

لارا باستغراب : ليش تسأل ؟ غريبة !!

لانا و هي تلتفت حولها و رجعت تهمس للارا :
اظن انها تبي ترتب لقاء بين ريف و خالد ..

لارا شهقت بقهر و بصوت عالي :
WHAAAAAAAAAAAAT???!!

لانا و هي تحط يدها على شفايفها تحاول تسكتها :
ششششششششش فضحتيييينا ...

لارا و هي تهمس بس بقهر :
انا لو أشوفه هالحمار بشوته و ربي ,
حــــــــــقــــــــــــيــــــــــــر

لانا بزعل :
هــيييييه , هو صحيح حقير بس ما ارضى عليه ,

جتهم لمار و هي تقول:
وش السالفة , وش فيكم ؟

لارا بعدت عنهم و هي تقول:
هـــــــيـــــــــن ..

.
.
.
خلصوا البنات و كل وحدة طلعت بهدية للبيبي و للين ؛

و هم في الدور الأول بالقرب من النافورة
حست ريف بدوار ,

خففت من مشيتها و اتجهت لطرف النافورة و جلست عليها ,

التفتت راما يوم حست انها فقدت ريف و تفاجأت فيها
قاعدة ,
اتجهت لها و انحنت لها :
ريف وش فيييك؟؟

ريف كانت مبتسمة عشان راما ما تقلق :
لا بس حسيت بدوخة خفيفة,

حلا من ورا راما و معها البنات :

شفييييكم؟؟

راما بقلق التفتت وراها لحلا:
ريف جتها دوخة ,

ريف : لا عادي خلاص راحت ,

لمار جت جنب ريف و قالت :
ريف , لازم تروحين لبسام يشوفك ,

ريف تغير وجهها و ارتجفت :
لالالالا , ما راح انزله لالالالا

لمار ناظرت البنات و التفتت لريف :
ريفووو , ما قلت لك نزليه انا ب اقول خليه يشوف وضعك ,

بلعت ريف ريقها و قالت باستياء:
غيروا الموضوع و الا راح ارجّع ..
تراه يجيب لي غثيان بلييييييييز,,

راما مسكت سماعات آي بودها و حطتهم على اذن ريف و غيرت الأغنية,

راما بهمس:
روقي ..

استنشقت ريف بعمق و ابتسمت,

تحرك موكب البنات باتجاه بوابة الخروج , اللي منها طلع شخص لاهم انتبهوا له و لا هو انتبه لهم ,

.
.
.
.

اتجه لسيارته و هو شايل الكيسة معه ,

يتــــــــبع

01-10-2010, 12:00 PM

فتح السيارة و ركبها ,
حط الكيسة على كرسي مرافق السواق ,

ناظر قدامه و ....... تجمد الدم بعروقه ,

القهر طق الانبير عنده,

حس نار الغيرة أحرقته
نزل من السيارة و خطواته متباعدة,
.
.
.
اما هي فكانت حاسة الدوخة كل مالها و تزيد , الغثيان كل ماله و يرتفع ,
لين انكبت عليها موية باردة يوم شافته قدامها ,

الكل انصدم اصلا من وجود خالد قدامهم اولا , و من مظهره ثانيا :

كان لابس بنطلون بيج و بلوزة بيضا من النوع الخفيف اللي نص ازاريرها مفتوحة ,
و شعره طايل بشكل مو مرتب و مثير في نفس الوقت ,
و نبتت له مثل اللحية الخفيفة ,
يعني قريب من الديرتي فيس..
و نحف كثييير و باين وجهه تعبان ,
بس هذا ما قلل من جماله و جاذبيته ..
ناظرته حلا و همست : خالد !!؟!!!!!!!!!!!!

خالد كان بالقوة ماسك نفسه و هو يشوف وجه ريف قدامه و في باله الف فكرة و فكرة ,
خالد بملامح هادية عكس اللي في داخله و بصوت عادي لكن حاد :
أنــــتـــي ما تــســتــحــيــن ؟؟؟؟!!!
- الكل منصدم و يناظر ريف بتأهب -
اما ريف فكانت عيونها لقدام و ما كلفت عمرها تطالع خالد ؛

خالد مسك يد ريف و جرها ,
جت راما و مسكت يد ريف الثانية و سحبتها و قالت بعصبية:
هييييييييييه ,
اتركــــــــــــــــها ,

التفت خالد لراما متفاجأ منها و قال :
هيــه !!؟
انا هيه!!؟

راما ناظرته من فوق لتحت :
و أقل من هيه بعد ,

خالد وخر نظره عنها و جا بيمشي بس فلتت ريف يدها منه ,

التفت عليها مصدوم ,
قال و الشر بين عيونه لكن لا زالت ملامحه جامدة :
امشي قدامي للسيارة ؛
حلا مسكت كتف ريف و قالت لخالد :
خالد تكفى مو وقتك , روح في حالك ,
شوف العالم يناظرون ,

خالد ما ناظر و لا التفتت لحلا و كانت عيونه على ريف و منصدم منها ,
همس:
ريف ؛ ع السياااارة..

ريف بجمود موازي لجمود خالد :
لـــأ ...

مشت وراها و اعطت خالد ظهرها ,
و البنات كل وحدة منصدمة من ريف و من قوتها و خصوصا قدام خالد ,

في هالاثناء كانت السيارة وصلت و بانتظار البنات ,

اما خالد فسكر عيونه يحاول يهدي نفسه ,
فتحهم و تكلم بنبرة حادة :
عــلــى الــســيــارة ..

ريف التفتت التفاتة جانبية و قالت بنفس درجة صوت خالد و بنفس الهدوء:
لـــأ ..

حلا همست لراما :
الله يستر ,

لانا قربت من خالد :
خالد خلاص الله يخليك لف الموضوع و روح , بعدين نتفاهم بليييييز..

ريف على نفس الوضعية ..
معطية خالد ظهرها و ملتفتة التفاتة جانبية بس عيونها مو على خالد ,
بعد ما سمعت كلام لانا قالت :
لانا ؛ كلامك ماله معنى ..
و لا فيه قبلين و لا فيه بعدين ..

ناظرها خالد بحدة و عيونه على وضعها , هادية جدا..

اما ريف فكانت خلاص وصلت حدها و بالقوة قادره تمسك نفسها ,
فجأة ما حست الا بالدنيا تلف فيها ,

رفعت يدها تحاول تمسك شي و فجأة مسكتها يد خالد ..
لا شعوريا ريف ضغطت على يده و اسندت راسها لكتفه ,

همس خالد و عيونه ع الناس اللي تطالعهم :
تعالي معي ..

لا شعوريا انقادت معه ريف ..
ركبها السيارة و أخذ منها الأكياس اللي معها ..
اتجه لحلا ,
همس :
وين رايحين انتم الحين ؟

حلا و عيونها على ريف بقلق :
لليييين ..

خالد : خلاص انا بجيبها ..
لا تعلمين احد انها معي ,
قولي بس انها بتلحقكم ..
و علمي البنات عشان ما يتكلمون ..

راح لسيارته و ركبها و شغلها و شخط فيها..

راما بقهر و هي تمسك يد لانا :
قولي لأخوك لو لمس شعره من راس اختي محد بيرده عني ..

همست حلا بفهاوة :
وش بيصير اذا لمسها افظع من اللي صار !!!!؟

راما :!!!!!!!!!!!!!

ركبوا البنات السيارة , و اتجهوا للمستشفى ..

.
.
.
.
.

في غرفته في الأوتيل ..

مددها على السرير بهدوء بعد ما فصخ عنها العباية و الطرحة و الصندل ..
غطاها باللحاف , و جلس على طرف السرير يتأملها ..

كان من داخله مشتااااااااااااااق لها ,
انصدم من شكلها و من نحفها اللي باين انه كان ناتج عن مرض ..

صحيح انها حاطة ميك أب بس باين التعب على وجهها و السواد تحت عيونها ,

قام من على السرير و اتجه خارج الغرفة ..

راح للتلفون و دق ع الروم سيرفز و طلب غدا ..

شغل التلفزيون و قعد يقلب في القنوات عشان يقضي الوقت ,
لكن في الحقيقة هو ما كان باله الا في مكان واحد بس,
في غرفته و عند اللي نايمه على سريره ,

اما هي ,
فما كانت نايمة و لا شي ,
كانت مرهقة صحيح لكن تحس بكل شي و تسمع صوت التلفزيون اللي يشتغل برا ,

حست بغثيان منه ,
" يعني انا هنا تعبانه و هو رايح يتفرج على التلفزيون... خســــارة بس .."

التفتت للكومدينو اللي جنبها و لقت عطر خالد ,
كان مونت بلان ,
رشت منه على يدها
و اول ما شمت ريحة العطر؛
ما حست بنفسها الا و هي تركض للحمام ,
.
.
.
فز من مكانه و هو يسمع صوت ترجيعها ,
ركض للحمام و لقاها قاعدة على الارض
انصدم و ركض لها و شالها من الارض ,

سألها بقلق :
شفييييييك؟؟

ردت عليه و هي بدون ما تطالع عيونه :
ما اطيييييقك , نزللللللللني

بردت عروق خالد و تجمدت ملامحه و فلت يده و نزلها ,
اما هي فلفت على المغسلة و غسلت وجهها بموية باردة ,

و اول ما رفعت راسها و ناظرت المراية ما لقته ,

ابتسمت بسخرية و همست :
حقير ..

اما خالد فاتجه لباب الغرفة و فتحه و دخل الأكل للصالة ,

رجع عشان يسكر الباب و اول ما التفت لباب الغرفة اللي يفتح على الصالة ,
لقاها تناظر الأكل بقرف ..

رفع حاجب و قال :
جوعانة !!؟

ما ناظرته بس ردت و هي ترفع عيونها عن العربة و تتجه لداخل الغرفة:
قرفـــانة ..

انقهر خالد بس حافظ على جمود ملامحه :
بس انا طالبه عشانك ..

ما ردت عليه ,

دخل وراها للغرفة و انصدم يوم شافها تلبس عبايتها ,

خالد بصرامة :
وين ؟؟!!

ريف بدون ما تطالعه :
طالعة ,

خالد بقهر :
مع مــين !!؟

ريف و هي تلبس الطرحة :
مو شغلك ..

ما حست ريف الا و خالد يلفها لناحيته , بجمود لكن بصوت حاد:

عيدي كلمتك ..

و لأول مرة ,
ترفع ريف عيونها لخالد بتحدي ,
اما خالد فمن داخله ذاب من عيونها لكن بالطبع ما بانت على ملامح وجهه اي تأثير ,
ريف :
قلت ؛
مو شــغلك ..

نزلت يد خالد من على سواعد ريف و راح جلس على السرير و هو يطالعها ,

اما هي فمسكت جوالها و ضغطت على الأسهم ,
حطت الجوال على أذنها ,
و خالد يناظرها ,

ريف : ايوه حسن, انت تحت !! خلاص باي ,

سكرت جوالها و حطته جوا شنطتها
و طلعت من الغرفة ,

اتجهت للمصعد و دقته و هي مستغربة انو خالد ما لحقها ,
بس همست :
من جد حقير..
.
.
.
طلعت من المصعد بعد ما نزلت منه و اتجهت لبوابة الخروج,
طلعت و ما لقت السواق ,
دقت عليه ... اول ما رد قالت له :
وينك , مو توك تقول انا تحت !!؟

السواق مرتبك و متلعثم : ممممستر خخـ..

قطع عليها صوت خالد و هو يقول من وراها :
انا قلت له يمشي ,

التفتت ريف له و بقهر :
ليه ؟؟

خالد و هو يحك ذقنه :
مالك شغل ..
تبين تروحين للين ,
تعالي اوديك ,
غيره ,
ارجعي للغرفة ,

نزلت ريف الجوال من على أذنها و ابتسمت بتحدي ,
و قالت :
مشينا ..

اتجه خالد و ريف للسيارة ,
ركبوها و شغل خالد السيارة و مشى متجه للمستشفى,
.
.
.
.
في المستشفى ..

لين تهمس لحلا انها تجي جنبها ,

اول ما جت ,
همست لها لين :
اقول , ما مشت علي ان ريف رايحة تغلف هديتها ... بسرعة وينهي ؟؟

حلا بهمس :
مع خالد !!

لين بهمس و هي تكلم نفسها :
صحيح خطتي كانت غير , بس مش بطال ..

حلا : هاه !!
لين : لا و لا شي ,

استغربت حلا بس ما دققت مرة ,
.
.
.
.

في السيارة ,
كانوا موقفين عند الاشارة؛
خالد يناظر ريف بطرف عينه و هي مسندة راسها ليدها اليمين اللي مسندتها ..
:
تعبانة ؟

ريف بدون ما تطالعه و بجواب سريع :
لا..
طاحت عينه على السيارة اللي جنبهم من طرف ريف و اللي فيها شاب كانت عيونه بتاكل ريف؛

خالد سكت شوي بعدين قال :
تغطي ..

ريف بنفس السرعة:
لا..

خالد فرغ غضبه في الدركسون اللي ضغط عليه بكل قوته ,

خالد بصوت شوي عالي :
تــــــــــغـــــــــــــطــــــــــــــــي ..

ريف : لا ..

خالد طق بكف يده على الدريكسون و بقهر :
لا تقووووووولين لاااااااا ..

التفتت عليه ريف بهدوء مستفز و قالت :
وش بتسوي ؟
بتعطيني كـــف !!؟

انصدم خالد و التفتت لريف بصدمة ,
قطع عليه اصوات البواري اللي تنبهه ان الاشارة فتحت ,

مشى بالسيارة و في داخله بركان يثور,
.
.
.
.
.

في مكان ثاني ..

كانت جالسة تلعب بشعرها و هي منسدحة على الكنبة بطفش ,

ما حست الا بيدين تسكر عيونها ,

لمستهم و بابتسامة خفيفة :
بندورة ,

فك يده عنها و التفتت عليه ,

بندر : شخبارك ؟
فرح:طيبة .. و انت ؟
بندر : طيب دامك طيبة , ليش ما جيتي مع ابوك يوم جا يزور امي ؟

فرح : مالي مزاج اروح لأحد ..
بندر بابتسامة حنونة : فرح , وش فيك ؟ لك فترة متضايقة , علميني ..

فرح ابعدت عنه وجهها ..
بندر جلس جنبها : فرح ... طلعي اللي بخاطرك .. علميني ..

طالعته فرح بعيون مليانة دموع و قالت له :
فقدت ..... و اشتقت ..... و ولهت .....

ناظرها بندر بعيون منكسرة و كأنه يقول " مو بس انتي يا بنت اختي , "

ما لقى في يده حل سوى انه يجذب راس فرح لصدره و يلف يده حولها ,
و هي ما لقت الا صدر خالها تشكي له حر مصابها ,
.
.
.
.
في بيت ثاني ؛

كان يطالع كمبيوتره يوم دق جواله ؛ استغرب من ممكن يفكر فيه و يكلمه ؛ ناظر الجوال و ابتسم بفرحة , ضغط على زر الاجابة و صوته يقول بفرحة :
هــــــــــــلا و اللللللللللللللله ,

جاه صوت اللي يكلمه بفرحة مماثلة :
هلااااااا بك ياسرووووه , شلوووووونك ؟؟

ياسر : بخير يا خووووووي , انت شلونك, و العيال شخبارهم !!؟

.... : بخير الحمدلله , يسألون عنك ..

ياسر : و الله يا سلطان اعذرني ما قدرت اجي لعزا فهد الله يرحمه , بس يشهد الله اني حاولت لكن مثل ما انت عارف – قال كلامه و هو يضغط على فخذه من القهر-

سلطان بمواساة : عارف يالغالي , و الله عارف , و عشان كذا انا داق عليك , ابيك تفتح لي باب جناحك ,

انصدم ياسر و قال : هاه !!؟

سلطان ضحك : اقولك افتح لي باب جناحك ,

نزل الجوال من على أذن ياسر و حرك عربته بالريموت بسرعة باتجاه باب الجناح ,
و اول ما فتحه ما صدق عيونه ,
ياسر بفرحة كبيرة و عيون دامعة :
ســـــلـــطااااااااااااان ...

انحنى سلطان بفرحة و حضن ياسر اللي علق يدينه حول رقبة صاحبه بشوق و لهفة ...

بعد السلام و السؤال عن الأحوال ...

سلطان بجدية و هو ينزل فنجان القهوة و يحطه فوق الصحن :
ياسر ... لين متى !

ياسر بدون ما يطالع سلطان يرد :
لين متى وشو !

سلطان : لين متى هالحال !

ياسر يتهرب : ارجوك يا سلطان انا .......

سلطان يقاطعه : الندم ما راح يرجع اللي راح ....
ياسر ....
الكون محتاج لك...

ياسر بانزعاج : وش يبي فيني ؟؟!! و ش يحتاجني فيه !!

سلطان يحط يده على يد ياسر اللي قابضة على مسند العربة الكهربائية :
يحتاجك انك تبنيه ...
كل واحد مننا يا ياسر يبني في الكون جزء ... هالجزء محد غيره يقدر يتقنه ...
و الكون محتاج لهالجزء من يديك يا ياسر ... مو من رجولك !
عمرك سمعت بناء يتم بواسطة الرجول !
عمرك سمعت عن انجاز محقق صار من الرجول , باستثناء اللي فاقدين اياديهم و ابدعوا بأقدامهم ....
ياسر .... صحيح انك تدير شركة ابوك عن بعد .... بس ما يكفي ... لازم تطلع و تواجه العالم و تبني و هم يشوفون ياسر يبني ....
ياسر انت ما خسرت شي ...
انت كسبت ...
كســـبـــت يــا خـــوي ....

ياسر و العبرة في حلقه :
وش اللي كسبته, هاااااااااااااااه !!!!!

سلطان :
حياتكـ ...
حياتك ما انتهت ....

ياسر ناظر سلطان بعيون منكسرة و يقول :
سلطـآآآآآن ...

سلطان ابتسم ابتسامة جانبية :
يله ....

ياسر بمفاجـأة :
وين !!!!

سلطان بضحكة : هههههههههههه يله نبني ...

ابتسم ياسر ابتسامة يملاها الأمل :
شكرا يا خوي ...

سلطان يتأمل عيون ياسر و يتذكر كلام الدكتور اللي يدربه يوم يقول " لازم نعطي للمريض أمل ... " :
لا شكر على واجب ...

.
.
.
.

في روسيا ...

.
.
.

انفتحت بوابة المستشفى على اثر اقتراب اشخاص ... عبروا البوابة و هم يمشون في ممرات المستشفى و خطواتهم تنطبع على الارض في تناغم واحد ...

كان شكلهم رغم غرابته في لبسهم كلهم لـبناطيل سودا و جاكيتات جلد طويلة سودا و نظرات شمسية و قفازات سودا .... رغم غرابته و ممكن يظن البعض انهم افراد مافيا ... الا انه مألوف عند طاقم المستشفى لدوام تواجدهم فيه ...

فريق من 7 أشخاص ... في شيء مألوف فيهم بالنسبة لنـا ... هو ...
ملامحهم الشرقية.... السعودية بالتأكيد ...
و يتقدمهم شخص له هيبة بين الجميع ...
و يتضح من شكله انه قائدهم ...

اندق باب مكتب الدكتور و أذن لهم بالدخول ...

التفت قائدهم و قال بلهجة سعودية :
انتظروا هنا ...

دخل الشخص هذا لمكتب الدكتور و دار بينهم حوار بالروسي راح أكتبه مترجم على طول ..

الدكتور : أهلا مستر جراح ...
جراح : اهلا دكتور .... أخبار الحالة !
الدكتور :استرد قدرته على الحديث بعد ما فاق من هالغيبوبة الطويلة ... راح نكثف متابعتنا له ... و بالتدريج راح ننشط الأعضاء الداخليه , و بعدين الأعضاء الخارجية ... اعتقد يلزمنا سنة على الاقل عشان يسترد نشاطه و حيويته .... مستر جراح .... انا جدا متفاجئ و مذهوووول من تطورات الحاله السريعة , كنت اود انك تكون موجود اول ما فاق لكن علمت من مرافقيك انك مسافر ... أوووه مستر جراح ... انا جدا فخور اني انا الدكتور المسؤول عن حالة مستر حمد .... – بلهجة مازحة – صرت انا بطل المستشفى عقب الانجازات اللي سويتها معه ..... على الرغم .... من انه سوف يلازمنا لسنة أخرى عشان نضمن انه استعاد كافة وظائفه الحيوية ....

جراح بنبرة غير مفهومة في صوته : اخالفك الرأي ... عموما .. شكرا دكتور ....
طلع جراح من مكتب الدكتور و التفت للي معه :
غيث ... جهز الأوراق ... و تأكد ان كل شي جاهز هناك ...
لا تتصل للسعودية لين أعلمك ...
اهم شي الاوراق الرسمية و المعدات تكون جاهزة هناك ...

غيث بطواعية تامة :
حاضر ... بروح الحين ...

هز راسه جراح و التفتت للغرفة اللي في آخر الممر و في عيونه بريق و على شفايفه انرسمت شبح ابتسامة رضا...

مشى متجه للغرفة و رغم جمود ملامحه الا ان قلبه من داخل ينبض بسرعة ...
و أخيراً نجح كل شي ...
ما خذل عمه و لا خذل عمته ...
ما خذل اللي ينتظرون هناك في السعودية 12 سنة ...

- رفع نظره للأعلى و أسرّ في نفسه-
الحمد لله ....

وقف قدام باب الغرفة و رفع يده للمقبض ...
رغم انه لابس قفازات جلد الا ان برودة غريبة سرت ليده ...

سكر عيونه و فتح الباب بهدوء ...
.
.
.
دخل و سكر الباب وراه...

كان يناظر الأرض و ما عنده جرأة يرفع راسه ....

جاه صوت زلزل كيانه ...
صوت فقده لمدة 12 سنة ...

صوت عميق:
ارفــع راســـك....

رفع جراح راسه و في عيونه دموع محبوسة ...
فصخ نظارته الشمسية بهدوء و نزل يدينه لتحت و هو مرتبك ...
رفع عيونه ...
اول ما التقت عيونه بعيون هالرجل اللي كان رغم استلقاءه على السرير الا ان جبروته و قوته حاضرة و كأنه ما راح في غيبوبة لمدة 12 سنة كاملـــــة .... يا جمـــــاعة متصـــوريــــــــن ... 12 سنة كاملة !!!!!
ما هزت في كيان هالرجل العجوز شعرة ... لازال جسده قوي و عيونه حادة و تجبر اللي يناظرها انه يرهب مالكها ... و صوت عميق يهز اركان اي بني آدم من حزمه ...
اهتزت شفايفه و هو ينطق هالحروف بفرحة تنط من عيونه لشفاء هالرجل؛ جراح:
عـــمــي حــمـــد ....
.
.
.
.
.
.
.

في الامارات ...

كانت فاتحة ماسنجرها و تسولف مع اسما و انفال ,,,
فجأة جاها تنبيه انو احد يكلمها ,
فتحت المحادثة و ابتسمت ,

- راح أحط أسماء بدل توبيكات –
مـي : هااااي يا حلللوة ....
نورة : هاااااي يا عسل .... كيفك ؟
مي : بخير .. انتي كيفك ؟
نورة : تمااااام التمااااام ... دوم يا رب ...
مي : دام عزك حبيبتي , كيف الماما و البابا و حمودي ؟
نورة : بخير ... كللللهم ... و انتي كيفك و الماما و البابا ؟
مي – بخبث - : كلللهم بخير , حتى جدتي و خالي ( ذياب ) و خالي هزاع ...

نورة قلبها ينبض بسرعة و عورها بطنها ...
نفضها من حالتها اهتزاز الشاشة و صوت التنبيه المزعج من محادثة اسماء و انفال ...
نورة لـ مي : برب قلبو شوي ...
مي : تيت ..
.
ضغطت على محادثتهم بفرح ...

نورة : بنااااااااااااااااااااااااااااااااااااااااات ...

اسماء : لا عياااااااااااااااااااااااااااااال ...

انفال : شفيييييك ؟

نورة : ما راح تصدقون من يكلمني ...

اسماء : منووو ؟ الشيخ حمدان !!

نورة : الله يرجك انتي و مخك ,, يعني لو كلمني بجي عندكم ... :@

انفال : طيب مين يعني !

نورة : مـــــــــــــــــي ...

اسماء : منو هاي !

نورة : مي مي اخت ذيااااب ...

اسماء : منووو هااا بعد !!

نورة : اسووووووووووم , ذياااااااب ,

اسماء : ايي انزين منووووووووه !!

نورة : طسي و الله ما عندك ما عند جدتك ....

اسماء : حووووووووو لا تييبين طاري يدوووه على لسانج الزفر ويااا طاري ذياااابوه السبااااال , احاجيج , انتي شوو شايفة فيه !! شووو !! غنوم اخويه احلى وااااايد عنه , وييييييييع ,

نورة : غنوم!! هههههههههه ذياب يا ماما يسفط غنوم على جنب , قال غنوم قال ..

اسماء: شووووووووووووووووو!! شو تفضلتي حضرتج !! حوووووووووووووو احترمي نفسج , هاااا اخويه اللي ترمسين عنه ,

نورة : whatever
المهم برب ....

- طلعت من المحادثة و راحت لمحادثة مي لكن لقتها طلعت –

.
.
.

من الجانب الثاني ....

انسدحت على الكنبة ...

دخل عليها خالها :

ميووو ..

ضاقت ما تنسدحين الا هنا ... !

مي ناظرت خالها :

ذياابوووه ... حل عني ..

ذياب و هو يحط الكوب اللي في يده على الطاولة :
اووه , شفيها الاميرة !

مي :
طفاااااااااااااااااااااااااااااااااااااااااااااااا ش ...

دخلت عليها امها :

طفشانة !!, تعالي معي نروح نزور لين ..

مي تناظر امها بطرف عين : مين لين !

سلطانة : لين , بنت خال نورة ,

ذياب رف قلبه لما انطرى اسمها ,, تنحنح و قال :

احـــم ..مين نورة !

جاه صوت اخوه :

حفيدة البن حمد ..

ناظر ذياب أخوه نظرة جانبية و طنشه ..

هزاع يتكلم مع سلطانة :
متى بتروحين !

سلطانة : الحين , بخلي بكر يوديني ,

هزاع : لا انا بوديك ..

ذياب ضحك ضحكة سخرية : هههههههههاي ,

ناظره هزاع بصرامة : ما اظن فيه شي يضحك !

ذياب : بيت ابوي , اضحك على كيفي ,

مي : صدق انك بيبي , يا ذيابوه ,

ذياب عصب : ذيااابووووه في عيييينك ميووووه ,

ام هزاع دخلت عليهم :
اللهم صلي على محمد , ورااااكم انتم !!

مي و ذياب سكتوا ,

ام هزاع : هزاع يا ولدي , ماله داعي تتعب نفسك , خل بكر يودينا ,

هزاع و هو يناظر شكله في المراية و يلبس طاقيته و شماغه :

لا تعب و لا شي يالغالية , جهزتوا انتم !

سلطانة : ايه خلاص ,

هزاع و هو ياخذ مفاتيح سيارته :

يله اجل مشينا ..

.
.
.
.
.

في المستشفى

مسكها مع يدها و لفها لجهته بقوة ...

خالد بعيون يطلع منها نار و بصوت هامس لكن حاد :

ممكن تقولين لي وش اللي سويتيه هذا !!!

ريف رفعت عيونها لفوق دلالة على التفكير بعدين نزلت عيونها لتحت و قربت من خالد و همست بسخرية و كأنها تتكلم في أمر جاد :

لاني ما أبغى اركب معك الإليفيتر ...

ناظرته من فوق لتحت ... و مشت عنه ...

اما هو فكتم غيظه مع ان عروقه بتنفجر و الدم اللي ينضخ فيها بقوة ....

تنفس بعمق و هو يتابعها تمشي و معطيته ظهرها ...

مشى وراها ..

و اول ما وصلوا للغرفة ..

دقت الباب و دخلت ....

ريف بفرحة : ليييييييييييين حبيبتي ....

لين رفعت نفسها و فتحت يدينها :
هلا بقلبي ..

قربت ريف و حضنت لين ...

لين بخبث و بهمس ما تسمعه الا اذن ريف:

اجل خااالد هااه .. صحيح اني خططت بس اللي صار فوق ذكائي ,,

ريف بابتسامة مجاملة و هي تهمس بعد :

Plz .. I don't want 2 talk about it..

لين ابتعدت عنها و هي تطالع أظافرها :

أوكي ...

ريف : الف مبروك يا قلبي و الحمدلله على سلامتك ...

رفعت لين عيونها بنظرو ريف فاهمتها و قالت لين :
عقبالك ...

ريف ابتسمت ابتسامة صفرا ..

بعد كذا دخل خالد سلم على اخته و امه اللي ما فكته وحاضنة يده اليمين و لانا اللي حاضنة يده اليسار و طلع ما قعد اكثر من 5 دقايق .. لانو باب المجلس اللي في الجناح مفتوح و الحريم يطلون عليه ....

راح لجناح الرجال ...

اول ما دخل الكل تفاجأ و قام له الا اثنين ....

محمد & سعود

اول ما اقترب خالد في السلام من محمد ناظره بطرف عينه ..

و لما وقف قدامه ...

ناظره محمد بقهر ..

اما خالد فناظره بعيون باردة ..

شوي شوي ابتسم خالد ابتسامة جانبية ..

اما محمد فلما شاف ابتسامة خالد ابتسم و قام له ...

سلم عليه و بارك له ..

و كان بجنب محمد بدر ..

اول ما شافه خالد و شاف عيونه عوره قلبه ..

نفس عيون فهد ..

ابتسم خالد و سلم على بدر ..

و لما قرب من سعود ..

مد سعود يده لخالد و هو جالس ..

استغرب خالد هالشي و قال بسخرية:

سلامات سعود .. معك فتاق !

سعود بسخرية يرد عليه :

"عمك" – قالها و يشدد على حروفها- سعود لو معه فتاق ما مد يده ..

خالد استغرب و هز راسه ..

جلس و تقهوى ..

اما سعود فرن جواله ...

سعود : هلا بو راشد ..

هزاع : هلا بك الغالي ... حنا عند المستشفى جايب الأهل معي... و معي الأوراق ..

انزلها معي و الا تنزل تاخذها ..

سعود لا شعوريا ناظر خالد اللي انتبه لنظراته :

لا يبو ... جبها معك ...

هزاع : اوكي يالغالي .. الحين جايكم ..

سكر سعود الجوال و التفت لأبو فهد ..

سعود : هاه يا خوي وش قلت !

ناصر بتفكير : و الله يا خوي خل أشاور أمها ..

سعود : ما يبيلها مشاور ... هي كلها شهر بالكثير ...

خالد كان يسمع كلامهم و ما يدري ليش عنده احساس انهم يتكلمون عن ريف ..

ناصر : اهمممممم .... طيب و متى بتمشي !

سعود : بعد بكرة ... انا خلصت امور الحجز و الفيزا .... ما اخذت مني وقت ..

ناصر باندهاش : الحين من جدك خلصت هالأمور ! مت أمداك تقدم طلب و محادثة سفارة و هالأمور !!

سعود بلع ريقه : لي واحد اعرفه خلص هالامور في ظرف ساعات ... الواسطة تلعب دور و انا اخوك ..

ناصر : مااااش انا ما احب امور هالواسطة ... لو نمشي مثل الناس احسن .... منها نتواسى بهم ... و منها ناخذ وقت للتفكير ...

سعود حس انه تورط : يا خوي هي كلها شهر , شغل و تنفيه , و بعدين انتم بتجونا هناك , ما بقى شي على صكة المدارس ...

ابو فهد : خلاص اكلم ام فهد و اشوف رايها ..

سعود تراجع على الكنبة و اسند ظهره يفكر " و هاذي اول خطوة و تمت .... اوووووووووف ... الله يعين على الأيام الجاية .. "

رفع سعود نظره لخالد و لقاه يناظره نظرات حادة ..

سعود " كله من دباشة راسك يا خالد .... كللله من دباشة راسك "

انقطع حبل تفكيره على اثر دخول هزاع اللي قاموا له الكل عشان يسلمون ..
.
.
.
.
.

بعد مرور يوم ..

ريف بلعت ريقها و هي ترتب شنطتها .. تحس بألم في قلبها و العبرة خانقتها ..

بكرة بتكون في بلد ثاني غير عن بلدها ... لشهر كامل ..

فزت من سرحانها على يد امها اللي تلامس كتفها .. نسرين :

يا بنتي ... ما تضايئيش نفسك ... كلها شهر و حيكونو البنات معاك ... أهي راما تحت بتئول لباباك اول ما تخلص امتحاناتها حتيقي عندك .. و انا على أول الاسبوع الجاي حقي أشوفك ..

ريف التفتت لأمها و ضمتها ..
ريف : انا بس ما ابي افقد راما و تالا و بدر و نايف ..... شهر مرة كثيرة يا ماما .... خصوصا علي و على راما اللي عمرنا ما تفارقنا ... كل سفراتنا مع بعض و طلعاتنا مع بعض ....
و حتى حلا و القيرلز ....
شهر كثيييير ...

ابتعدت نسرين عن ريف و قالت :
حيمر الشهر و انتي ما حسيتيش بيه ..
و حتشوفيهم تاني أوداامك ...

و رجعت حضنت ريف مرة ثانية..

ريف " آه يا ماما قد ايش انا محتاجة انام في حضنك زي زمان و اقولك على كل شي .. كل شي .. "

نسرين " حاسة بيكي يا بنتي ... عارفة ان في حاقة مش مزبوطة فيكي .... آآه بس لو أئدر اعرفوو ... "

ابتعدت ريف عن حضن امها و ابتسمت ...

و نسرين ترد لها البتسامة و تمرر ظهر كفها على خد بنتها بحنان ...

و من ورا الباب راما اللي كانت عاضة على شفايفها عشان ما تبكي ....

فزت على هزة الجوال في جيبها ..

اول ما رفعت جوالها انصدمت من الاسم الظاهر على الشاشة ...

راحت لغرفتها بسرعة ...

دخلت و سكرت الباب و قفلته ...

و اتجهت لشرفة غرفتها و فتحتها و طلعت برا ..

ردت بصوت هادي : آلوو ..

جاها الصوت : يـــاااااني مشتـــاق لهالصـــوت و راعيـتـه ..

ابتسمت راما بحيا : أهلين بندر ..

بندر : هلا بك يا قلب بندر .... شلونك !

راما : I have been better

و انت !

بندر بتنهيدة : مشتااااق ... اقول ..

راما : سم ..

بندر : سم الله عدوك .. تعرفين وين القى غرفة وحدة اسمها راما ! ابي اشوف الآنسة اللي رسمتني ...

راما انصدمت : وووووووت !!

بندر يكمل : لاني في مرسمها الحين ... و بصراحة تفاجأت انها تعرفني و رسمتني ...

راما سكرت السماعة في وجهه و ركضت داخلة للشرفة و فتحت الباب و استمرت تركض و مرت من قدام ريف و امها اللي استغربوا منها و من ركضها ..

نسرين : هي مالها البت دي !
ريف : لا تخافين ماما .. تلقينها تسوي رياضة ..

اما راما فنزلت بسرعة و شافت انو ابوها مو موجود ..

طلعت برا الفيلة و شافت السيارات ,

ما لقت سيارة ابوها و لا سيارة بدر ...

تنهدت براحة و ركضت لخلف البيت في ملحق منزوي عن الانظار ...

راحت فتحت باب المرسم ..

و انصدمت ..

راما بهمس و هي تسكر الباب :

يا مجنوووووووووووووووووووووووون ..

بندر ابتسم بمرح :

كنت بنجن صدق لو ما شفتك ...

راما بهمس و عصبية :

و هذاك شفتني .. يله اطلع ..

بندر : ليش خايفة ... انا متأكد انو مافي احد في البيت ..

راما شددت على اسنانها و تتكلم من بينهم: اااااااااااع .. امي و ريف و نايف هنا .... و هذولي لو دروا بوجود حضرتك مهيب بعيدة تنجن صدق ...

بندر بابتسامة : اوكي اهم شي شفتك ...

راما فتحت باب المرسم و طلت يمين و يسار و رجعت راسها لداخل المرسم :

يله اطلع ..

طلع بندر و هو يبتسم :

اقول راما .... حلوة الصورة ابيها ..

راما بطولة بال : راح اعطيك اللي تبي بس اطلع ..

بندر بخبث : اي شي ابيه ...

ناظرته راما بطرف عينها و قالت بحزم : بننننننندر ..

بندر ضحك بصوت واطي : اوكي اوكي ..

التفت بندر و بنظرات جدية لراما :

عظم الله أجرك .. كنت ابي اعزيك من زمان ... بس جوالك كان مقفول و انا ما لقيت فرصة أسأل فرح عنك .... راما .... انا مرتاح الحين اني اشوف راما القديمة رجعت لي ...

راما نزلت راسها و بابتسامة بسيطة: مشكور , ما قصرت و الله ,
بندر بحنان : حق و واجب ,

فجأة قطع عليهم صوت تصفيق : طبعا طبعا حق و وااااجب ...
التفتت راما برعب لمصدر الصوت و كـــان ,

.............!

.
.
.
.
انتهى البارت

07-26-2010, 01:17 PM

مشكووووووووووووووووووووووووووووررررررررررررررررررر رررررررررره

08-18-2010, 10:23 PM

الرواية مرررره روعه من زمان ادورها بس كيف احملها ع الجوال اللي يعرف لايبخل علي بالرد

08-18-2010, 10:33 PM

بلييز كملوا الروايه تحمست مع الرواية بشوف شصار مع ريف وخالد وبندر ورما وش بيصير فيهم و...و...و...

08-20-2010, 07:40 AM

مستررررر

كمل باين انها كثيررررر حلوه

بأنتظارك ياكاسرررر

تحياتي لك

اوتار الرياض

08-24-2010, 11:18 AM

يعطيك العافيه

ودي لك

08-25-2010, 04:03 AM

الله يعطيك العافيه

ولاعدمنا جديدك

ود لاينتهي

08-25-2010, 03:25 PM

روووووايه أكثر من رائعه
لاعدمنا جديدك وتميزك
تحياتي لك

08-25-2010, 08:31 PM

سلمت يمينك يالغلا

يعطيك ربي الف عافيه

تحياتي لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

يتصفح الموضوع حالياً : 1 (0 عضو و 1 ضيف)