::|[ ديوان الشاعر الداهية / محمد بن جار الله السهلي ]|::

#1 (**permalink**) 09-19-2009, 05:05 AM

........

السلام عليكم ورحمة الله وبركاته

صبـآإح / مسـآإئكم

يعجب بلمتعه والفآإيده

وصــف لشـآإعر ً

شاعر ٌ قدّم الكثير وما زال يملك الكثير ليقدمه لقلوب عشاقه .
شاعر ٌ بدأ كما بدأ الجميع ولكنه اختلف عنهم بسرعة إحتلال القلوب .
يتميّز شعره بالمفردة العصرية والحديثة , والتي تصل إلى جميع المستويات في المجتمع .
كما يتميّز شعره أيضا ً بالصورة والفكرة والإبداع الذي نادراً ما نرى شاعرا ً يهتم بقصيدته مثل شاعرنا .

نتمنى لكم قرائة ممتعــة لديوان شاعرنا الداهيـة / محمد جارالله السهلي

........

09-19-2009, 05:13 AM

.: أصعب سؤال :.

( اصعب سؤال ) اللي جوابه للأسف مثله ( سؤال ) !!

ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكـرك ذيـك الليـال ؟ )

كان الجواب بكل بساطه : ( من متى اصلا نسيـت ؟ )

ادري بان جمع ( الصعوبه والبساطه ) شي محـال !!

لكنها صارت كذا ! واللي (( اهـم )) انـي دريـت :

ان الحيـاه فبـعـد احبـابـك اذا جــف الـوصـال

اتعيشها لو تقتنع انك خـلااص اصبحـت ( ميـت !!)

يـا صاحبـي لـو كـل شـي يمـر بالخاطـر يقـال

مـا كانـت العبـره تولجنـي اليامنـك طـريـت ؟!

شفني قدرت احبس دموعي بس ( دمع القـاف ) سـال

ويا كبرها ساكـت ولكـن داخـل اوراقـي بكيـت !!

عمر الحكي مـا كـان دافـي لاابتـدى بقولـة تعـال

لجل اتجاهـل رجفـة حروفـي اليامنـي حكيـت ..

الحـال فـي بعـدك قسـم بالله مـا اسميـه حــال

انوي على الضحكه واحس كلي خطا لانـي نويـت ؟!

اتصور انك مـن رحلـت اشوفـك لجسمـي ظـلال

لا شفته امشي ببتعد واثـره معـي مهمـا مشيـت !!

مـدام يعنـي فـي بحـرك لفرحتـي مليـون جـال

وش فيه موجك ما ركد ؟ قربت اموووت وما رسيت ..

يرضيك مـا عـادت معـي تفـرق اذا جالـك مجـال

لاني اقتنعت انك نهايـه وانـي ببطـي مـا بديـت !!

صرت ( اعقد حجاجي ) اذا جابوك باطراف الجـدال

وانا قبل لاقالوا اسمـك كنـي : ميـت ثـم حييـت ..

تعبـت اعيـش الـدور وافتـح للمعـاذيـر الخـيـال

واتخيل انـي جيـت فـي بالـك وبانـك استحيـت ..

وتردلي كلك (( وله )) وتقول : ( كن البعد طـال ؟ )

ومن الفرح ما عاتبك واقـول : ( ياخـي مابغيـت ! )

حتـى وانـا تخيـل حشمتـك ! لـن قلبـي لا يـزال

يكرر اسمـك داخـل اعماقـي بنبضـه لا سهيـت ..

قلي شسـوي فيـك ؟ وانـت بداخلـي اصـدق مثـال

للحب واحساس القصيد ان عانـق الليـل وسريـت ..

ربـي يصبرنـي علـى الفرقـا مـدام الحـظ مـال

وانت بيجيلك يوم تعرف ليـه فـي بعـدك شكيـت ..

واذا بـلاك الله وعذبـك اشتياقـك (( بـس تعـال ))

واقرى القصايد في غيابك كلبوهـا بيـت ... بيـت ..

بتدرى ان ( اصعب سؤال ) اللي يجي رده ( سـؤال )

لا قلتلي ( وش ذكرك ؟ ) ثم قلتلك ( متى نسيـت ؟ )

09-19-2009, 05:16 AM

.: الزعيم :.

االبارحة من حزنها ضاقـت جماهيـر الهـلال

وأنا على شان الهلال أشعر من البارح بضيـق

شاعر ولاأدري ليه ماجاله على شعري مجـال

وأنا أعشقه عشق الملوك لخدمة البيت العتيـق

أشجعه مـن قبـل لبسـي للعمامـة والعقـال

ويصير شعري عقد من لولو وياقـوت وعقيـق

بدت علاقتنـا مـن أيـام الغـزو والإحتـلال

يعني هو : أول حب وأول تجربة وأول رفيـق

أجامل أحياناً لكـن اليـا أشغلونـي بالجـدال

ابـلا تـردد أتمـادى عشـق وأولـع حريـق

أعلن " هلاليتي " وأماريبه على روس الطـوال

من قمة الضلع المويق لقمـة الضلـع المويـق

مع إحترامي للجميع من الجنوب إلى الشمـال

يبقى زعيم الأندية والمجد والصيـت العريـق

ماكنه إلا إبداعي بقصيدتي " أصعـب سـؤال "

من بحرها لأفكارها لإحساسها العذب الرقيـق

سؤال لايمكـن يحلونـه ولـو طـال المطـال

لـو يحذفـون إجابتيـن ويستعينـون بصديـق

كن المحال يمر موسـم فيـه ماحقـق محـال

وهذا هو اللي صعب نرضى به وفينـا مايليـق

ياليلـة الجمعـة تغيرتـي علـى كـل الليـال

فيك السعادة مرت وتاهـت وظـل بهاالطريـق

بين الضياع وصدمة الموقف وحسـرة إنفعـال

وصدرٍ يضيق به الزفير اليـا تقفـاه الشهيـق

اغتيلت الفرحة عبـث باللخبطـة والإختـلال

كنها المحيط اليا انتحر موجه على جال المضيق

ومن قال لي وشلون والا كيف صار الإغتيال ؟

أقول له وأنا أبتسم من شدة الحـزن العميـق :

جانا " بكيتا " من فشـل أبوظبـي والمونديـال

واللي محطم منتخب سهلة يحطـم لـه فريـق

وأنا قسم بالله مافينـي علـى الصبـر إحتمـال

بارد على عد الأماني وأرتـوي وأبـل ريـق

ياودِّي أتجرد مـن الواقـع وأسافـر للخيـال

وياودِّي أغفى " خمسه وعشرين عام " وثم أفيق

ويصير ذاك اليوم لامن فقـت رئيـس الهـلال

" راشد بن عبدالعزيز " المجد والفعل الطليـق

وأنا أشهد إن لامن ترأس مجلسه نسل الرجـال

صار الهلال بوقتها فريـق عـن ميـة فريـق

09-19-2009, 05:18 AM

.: جساس والزير :.

يا كذبها قولت : ( ترى الناس للناس )

والسالفـه مـا عـاد تحتـاج تفكيـر

اما تصير بموقـفٍ يرفـع .. الـراس

ولا عساهـا مـا تحقـق ولا تصيـر

قد لي ثـلاث ايـام حايـر ومنحـاس

الحال ما به خير واقـول انـا بخيـر

خايف تشمت عـاذلٍ فيـه وسـواس

مهما تصاغرنـي يحـس انـي كبيـر

من زود همي ما جذب عيني انعـاس

كن السهر ( حاتم ) وجفني ( مسايير )

كـل النتايـج تعترفلـي بـالافـلاس

واضحك على نفسي واسوق التباشيـر

يا حظ ليتك تحشـم معـرّب السـاس

ما كان جاني منـك.. زلـه وتقصيـر

مابيك تغرينـي بضحكـه ومجـلاس

لو القناعـه كنـز عنـدي انـا غيـر

لا ماقتنـع بالطيـب بحـدود وقيـاس

يكبر فعيـن الغيـر وبعينـي صغيـر

وان قلت شوف فلان يحطب بلا فاس

بقول : ( لو به خير ما عافه الطيـر )

هذا وسجل يـا قلـم فـوق قرطـاس

ابيـات مـا ودي تمـر دون تفسيـر

اللي يبـي صيـتٍ وذكـرٍ بنومـاس

يقضي حياته مـا يحسـب المخاسيـر

واللي يشوف الصح في فعل جسـاس

بتشوم نفسه عن فعـل سالـم الزيـر

واللي ما حاش المجد بالدرع والطاس

ما هي بعيـده.. لـو يـذم المناعيـر

واللي ما تطرب نفسه لفزعة ( دباس )

من دون فزعاتـه يحصـل معاذييـر

يقوله اللي فـوق خشـم الخطـا داس

وطويق ما يشرهه على قاعـت البيـر

09-19-2009, 05:21 AM

.: سولف لي :.

ألا انت سولف لي عن احوالك وخل عنك القصيـد

يعني وش اللي في غيابـك راح اقولـه واكتبـه ؟

شعري .. على حطة يدك !! في غيبتك ما من جديد

البيت من قبل اكتبـه .. افكـر انـي اشطبـه !!!

دامـك تعـرف ان الشعـر لا يقنعـك ولا يفـيـد

استوعب حضوري ! وهـو انسـآآه لا تستوعبـه!

ركـز معـي .. الله يرضالـي عليـك ولا تزيـد

الهـم هـم .. وعدّنـي ضيـف ٍ نويـت توّجبـه

ما ابيك من بعد الجفـا ترجـع لـي بقلـب ٍ بليـد

حسسني بشوقك ! ودمعك مـن عيونـك اسكبـه !

ضيّعني بشهقة بكاك .. وجيب فيني ألـف عيـد !!

بحكيّـك اللـي حافظـه ولا عرفـت ترتـبـه !!

هـي كلهـا هالساعتيـن وعقبهـا ببقـى وحـيـد

لا تشح بشعورك علي ّ ولا اتمـادى !! وانتبـه :

لا شفتني سجيت ( عنك / فيك ) جوّدني من ( إيـد

قلبـي ) ووصلنـي لقلبـك برضـاه او اغصبـه

هذه سنه ! ان ما سكنت القلب ! مسكنك الوريـد !

ونفس السنه مرت ! وحقي فيـك ضايـع واطلبـه

يـا آدمـي مـدام نظراتـك باحاسيسـي تشيـيـد

لا تترك ( اسألتي ) تموت ولا لقت بك ( أجوبه )

ليه انت راضي بالعناد ؟ وبالرضى تصبح عنيـد ؟

ليه اتساهل بالجفـا ؟ ليـه الوصـل تستصعبـه ؟

وليه اتمنى الموت في بعدك واحـس انـه بعيـد ؟

وليه اشعر ان الموت في لحظة وصولك ما اقربه ؟

وليه اعتبر نفسي إذا ذبحني شوقـي لـك شهيـد ؟

ولا انت حتى الشوق لا ردك علـيّ تستغربـه !!

جاوب وريحني !! أو انسى كل شي .. ولا تعيد :

سؤالك عن شعر ٍ شطبته مـن قبـل لا أكتبـه !!

09-19-2009, 05:24 AM

.: لاتساومني ولاتجرح كياني :.

إستريـح شـويّ .. واسمعنـي ثوانـي

بعدها مسموح .. قول اللـي تقولـه ..

جيت لك والقلـب ماهـو بالمحانـي !

شف قبل لوصلك سابقنـي وصولـه !!

ووالله ان لو لا الغلا مـا جـاك عانـي

يا بعـد منهـم بكولـه و ضحكولـه ..

عاشقك سـوّاح !! وعيونـك موانـي :

اخذني ّ .. من الحزينه .. للخجولـه !!

أبتسم خلنـي افضفـض لـك عشانـي

الحكي غصن ٍ عجز صوتي يطولـه ..

تعقد احجاجك وتعقـد لـي لسانـي !!

المطر يـا غيـم ضميّـان لهطولـه !!

خاطري مكسـور مـن قسـوة زمانـي

وانت ( كنْك إياااه ) وفعولك فعولـه !!

تعتبرني .. شخـص مغـرور وأنانـي

واعتبرك .. الكون في عرضه وطوله ..

آآه لـوّ تحـسّ بـجـروح الأمـانـي

كان مـا تزعـل علـي ّ بهالسهولـه !!

حط ( عمرك ) يابعد ( عمري ) مكانـي

وان لقيت قصور ؟؟ قول اللي تقولـه ..

وأنتبـه يـا سيّـد الغـيـد الغـوانـي

التشّـره والمعاتـب لـه أصـولـه ..

لا تساومـنـي ولا تـجـرح كيـانـي

كل شـي ّ إلا ّ الكرامـه والرجولـه !!

09-19-2009, 05:27 AM

.: أسطورة الحسن الرقيق :.

لا غشاك الليل واسرف بـك الحـزن العميـق

جنّـب وجيـه البشـر واسـجـد لخلاّقـهـا

ادخل بغيبوبـه مـن الهـدوء .. ولا تفيـق !!

وراود دموعـك علـى عينـهـا واحداقـهـا

خل روحك تدّرج !! من زفيـر اليـا شهيـق

دمعـة ٍ لحضورهـا .. دمـعـة ٍ لفراقـهـا

كـن دمعـك وقتهـا يغسلـك ويبـل ريـق :

وجه الارض !! وينتزع روحك مـن ارهاقهـا

رتّب انفاسك !! ودوّر علـى نفسـك طريـق

واستـرح بيـن الحنـايـا وفــل ارواقـهـا

راجع ذنوبك على اقل من مهلـك .. وويـق :

شــوف وتفـقّـد معالـيـقـك وخفّـاقـهـا

الحزن : دافـع قـوي للرجـال .. ولا يعيـق

غيـر نـاس ٍ تخلـق وذلّـهـا فاعناقـهـا !!

الشقيـق يدعّـم الـذل فـي اخـوه الشقـيـق

والبضايـع تختـلـف باخـتـلاف اسواقـهـا

وانت حاضـرك يتفاخـر بماضيـك العريـق

شجـرة ٍ عجـز الزمـن لا يحـت اوراقهـا

كنْه شمس مـن الذهـب والجواهـر والعقيـق

كـل صبـح يلامـس المجـد نـور اشراقهـا

وكان عزمك ما رقـى قمـة الضلـع المويـق

ما انت لاقي ( عـز ) فـي جلالهـا ودقاقهـا

نوّخ ركابك .. وشكّـل مـن اشكالـك فريـق

الرخامـه فـي تزايـد عــدد عشّاقـهـا !!

الاسامي حمل !! واللي حمـل مـا لايطيـق :

شـاه ودك للصفـاه الضـحـى تستاقـهـا !!

العـرب مـا تبغـي الفخفخـه ولا البـريـق

تبغـي امطـار السحـب ماتـبـي برّاقـهـا

لا تحسـب المرجلـه : زول ولسـان ٍ طليـق

الرجـال رجــال : بافعالـهـا واخلاقـهـا

افرد اجناحـك مـدام السمـا تبغـى عشيـق

اغتسـل مـن غيمهـا وفـج كبـد افاقهـا !!

خل اخوك الصبر !! واعجابك بنفسك صديق !!

واعتنـز بالله كفـيـل البـشـر وارزاقـهـا

لا تفكر في هـل الهـرج لـوّ شبّـوا حريـق

الـكـلاب مربّـطـه لا تـحـل وثاقـهـا !!

وكان صدرك مـن خباليـن خلـق الله يضيـق

والله ان تبطـي ضلوعـك بضيـق خناقهـا !!

وان تغنيـت بشعـر فـي فعولـك مـا يليـق

نقّـع جـزال القصايـد وبــلّ اوراقـهـا !!

لا تكلف نفسـك ( بزوبعـة جـال المضيـق )

( المحيطـات أربعـه ) والـدرّر باعماقـهـا

مادرى الشاطي عن الخـوف بعيـون الغريـق

ولا لعب في حسبـة النـاس غيـر اشواقهـا

فان دعاك الشـوق للـورد وانفـاس الرحيـق

اذكـر اجمـل سيـدات التـرف واعناقـهـا

المهاه .. الفارع .. أسطورة الحـس الرقيـق

مـا ذبحـك الا غلاهـا وطـول فراقـهـا !!

09-19-2009, 05:30 AM

.: أسطورة الحسن الرقيق :.

لا غشاك الليل واسرف بـك الحـزن العميـق

جنّـب وجيـه البشـر واسـجـد لخلاّقـهـا

ادخل بغيبوبـه مـن الهـدوء .. ولا تفيـق !!

وراود دموعـك علـى عينـهـا واحداقـهـا

خل روحك تدّرج !! من زفيـر اليـا شهيـق

دمعـة ٍ لحضورهـا .. دمـعـة ٍ لفراقـهـا

كـن دمعـك وقتهـا يغسلـك ويبـل ريـق :

وجه الارض !! وينتزع روحك مـن ارهاقهـا

رتّب انفاسك !! ودوّر علـى نفسـك طريـق

واستـرح بيـن الحنـايـا وفــل ارواقـهـا

راجع ذنوبك على اقل من مهلـك .. وويـق :

شــوف وتفـقّـد معالـيـقـك وخفّـاقـهـا

الحزن : دافـع قـوي للرجـال .. ولا يعيـق

غيـر نـاس ٍ تخلـق وذلّـهـا فاعناقـهـا !!

الشقيـق يدعّـم الـذل فـي اخـوه الشقـيـق

والبضايـع تختـلـف باخـتـلاف اسواقـهـا

وانت حاضـرك يتفاخـر بماضيـك العريـق

شجـرة ٍ عجـز الزمـن لا يحـت اوراقهـا

كنْه شمس مـن الذهـب والجواهـر والعقيـق

كـل صبـح يلامـس المجـد نـور اشراقهـا

وكان عزمك ما رقـى قمـة الضلـع المويـق

ما انت لاقي ( عـز ) فـي جلالهـا ودقاقهـا

نوّخ ركابك .. وشكّـل مـن اشكالـك فريـق

الرخامـه فـي تزايـد عــدد عشّاقـهـا !!

الاسامي حمل !! واللي حمـل مـا لايطيـق :

شـاه ودك للصفـاه الضـحـى تستاقـهـا !!

العـرب مـا تبغـي الفخفخـه ولا البـريـق

تبغـي امطـار السحـب ماتـبـي برّاقـهـا

لا تحسـب المرجلـه : زول ولسـان ٍ طليـق

الرجـال رجــال : بافعالـهـا واخلاقـهـا

افرد اجناحـك مـدام السمـا تبغـى عشيـق

اغتسـل مـن غيمهـا وفـج كبـد افاقهـا !!

خل اخوك الصبر !! واعجابك بنفسك صديق !!

واعتنـز بالله كفـيـل البـشـر وارزاقـهـا

لا تفكر في هـل الهـرج لـوّ شبّـوا حريـق

الـكـلاب مربّـطـه لا تـحـل وثاقـهـا !!

وكان صدرك مـن خباليـن خلـق الله يضيـق

والله ان تبطـي ضلوعـك بضيـق خناقهـا !!

وان تغنيـت بشعـر فـي فعولـك مـا يليـق

نقّـع جـزال القصايـد وبــلّ اوراقـهـا !!

لا تكلف نفسـك ( بزوبعـة جـال المضيـق )

( المحيطـات أربعـه ) والـدرّر باعماقـهـا

مادرى الشاطي عن الخـوف بعيـون الغريـق

ولا لعب في حسبـة النـاس غيـر اشواقهـا

فان دعاك الشـوق للـورد وانفـاس الرحيـق

اذكـر اجمـل سيـدات التـرف واعناقـهـا

المهاه .. الفارع .. أسطورة الحـس الرقيـق

مـا ذبحـك الا غلاهـا وطـول فراقـهـا !!

09-19-2009, 05:34 AM

.: ودي أرثيك قبل تموت !!:.

ادهم الليل موحـش دون خـل وخديـن

وابتلانى فـي ابوشيبـه وانـا ماابتليـت

ميـر يامدغـم انصـت للكـلام الثميـن

ودي ارثيك قبل تموت فـي كـل بيـت

اربـع ايـام والهاجـوس بينـى وبيـن

لـذه النـوم والاحـلام وارض المبيـت

وليلة البارح اقسى مـن جفـا الوالديـن

بعدهـا مافرحـت وقبلـهـا ماشكـيـت

علمونـي بموتـك وأنقطـع الاكسجيـن

وضاقت ضلوع صدري وأختنقت وسريت

جيت أودع محيـا وجيـت اقبـل جبيـن

جيت ليتك تشاهد حالتـي يـوم جيـت..

يـوم أشوفـك قـدم صفيـن متساوييـن

لابسٍ بشت عرسك وأسترحـت وغفيـت

وجهك اطهر من احساس ودعا الخاشعين

ومثل بسمه حجاجك يومهـا مـا رأيـت

وجثتك ترتفع مـن فـوق غيمـة يديـن

جادت بغيث دمع عيوننـا وانـت ميـت

ياولـد عـم كـل ذره بجسـم الحزيـن

والله انـى قبـل لا افارقـك ماهقـيـت

بانه بامكان دمعـي يجعـل القـاع طيـن

لين ماجيت قبـرك وانكسـرت وبكيـت

جعل منزلك منـزل الاتقيـا الصالحيـن

وجعل تغفـر ذنوبـك كلهـا كومبليـت

09-19-2009, 05:38 AM

.: بعثرني عتب :.

جمّـع اللـي ودك تقولـه وبعثرنـي عتـب

الملامه شـي عـادي دامهـا منـك وجـاي

أنت تامر وأنا ألبـي مـا تبـي بليّـا سبـب

بس كان لجيّتي خاطـر تلبـي لـي رجـاي

رجوتي لا تلحق اعيونـك مشاريـه الهـدب

لا تضايقـه بدموعـك والتفاتتـك وخطـاي

كل شي الا دموعك واعرف انك من شطـب

صفحة الطيش بحياتي وابتدا صفحـة شقـاي

سق فديتك كل ما تملك من جنـون وغضـب

وابشر بصدرٍ يضمك حيل دام انـك هـواي

ولا رويت عتاب ناظرني وقل طاح الحطـب

واسأل شرايك وابنسج لك من الأعمـاق راي

باتناثر لك رضا واحساس صادق مـا كـذب

وأنت رتّبني على كيفك وشكلنـي برضـاي

وان تلعثم حضورك ثم نطّقنـي لـك تعـب

حاول انك تسمع أشواقي وسط تنهيـد نـاي

اسمع دموعه وقرّب لـي وقـرّب وأقتـرب

واسألأ عيوني عن طيوفك وقصتهـا معـاي

كيف كانت في غيابك فجأه تطري واغتـرب

اركض لمنفى خيالي وارمـي الواقـع وراي

اوجدك ما بيني وبيني واسولف لـك واشـب

ليلة حضورك قصايد تشتكي لك مـن عنـاي

آآآه لا منه بـزغ فجـر الحقيقـه وانسحـب

طيفك اللي ساكن عيوني وضاقت بي سمـاي

وقتها ليتك تحس شعور من حظـه ضـرب

آخر آماله بعـرض الهـم والوحـده مـداي

اكتشف وشلون يموت الصوت برماح الطرب

لحظةٍ جيـت أتغنـا بـك وعاندنـي غنـاي

واكتشف كيف السهل فجأه يتحول لي صعب

لا نويت ابكيك ثـم أزريـت القابـي بكـاي

أقسم بربي وربك فينـي احسـاسٍ غصـب

كل كلي في غيابـك ينجـذب لـك ياهنـاي

ما نسيتك لو نسى التاريـخ أمجـاد العـرب

وما تركتك الا بين ضلوع صدري وبحشـاي

لأنك أكبر من غلا الشاعر لآخر مـا كتـب

ولأنك أقرب لي من سكوتي اذا عانق شفـاي

ولأنك أول من تمكن بـي وعلمنـي أحـب

ولأنك الشخص الوحيد اللي يجي في مستواي

صاحبي جمع كلامـك ثـم بعثرنـي عتـب

والله أن كل شي عادي لا غدى منك وجـاي