ترى لولا الظروف عطتك وحًدت محاكيك
قسم بالله ما تدخل عليها لو على رقبتي
ولكن النصيب أقوى ولا ادري ويش اسوي فيك
نعم .. صارت معزبتك ،،، ولا صارت معزبتي
كذا شاءت بنا الأقدار تحرمني لجل تعطيك
كذا لازم تفوز انت ؟،، أنا اخسر بتجربتي
تراها غالية جدا .. وتكفى .. والله يخليك
تدللها... تدلعها ... تنسيها مصاحبتي
أنا من كثر ما أغليها احس اني بديت أغليك
ولا تسأل بأيه حق والا وش مناسبتي
لأنك لو بتسألني بتسمع شي ما يرضيك
لذا يا اخوي لا تسأل ولا تسمع لأجوبتي
أبيك تحطها في داخل عيونك وبين ايديك
وهي دلوعة إعتادت على كثر مداعبتي
فداعبها شوي شوي حتى تشتهى طاريك
وشاغبها ألين تقول : بطل من مشاغبتي
واذا مالها خلقك ،، ولاتضحك ولا تسليك
تحمًلها واسألها : ياعمري ليه عصًبتي
وبالك أسمع انك يوم تضربها وهي تشكيك
ما يحتاج أوري لك بفن الضرب موهبتي
صحيح انك بتملكها ومعك العقد بالتمليك
وانا عارف حدود الله ومن حقك معاقبتي
ولكن قل لها : المجنون وصًاني وهو يعنيك
يقول انه بينتظرك لو شيًب وشيًبتي
وانا مجنونها اللي ما نسها وانت ما يمديك
تغطي ذكرياتي ،،، في هواها وربع تجربتي
أحس اني تماديت بكلامي ،، والغضب حاديك
لو انك في مكاني ما تفكر في محاسبتي
كفاك اني تركت الليلة أشغالى عشان أجيك
دخلت القاعه برجلي ولا ادري ويش عاقبتي
وانا ما جيت اخرب عرسك الليلة ولا اذيك
انا جيت عشان أخاطبك واسمع مخاطبتي
توصًى ... وانتبه... واحرص عليها والله يهنيك
ترى كل الكلام اللي من ضيقي وكبتي
ولكن ما قدرت اني اقوله وانت ما يخفيك
أخاف اذا اني قلته تقوم وتقطع رقبتي
أبد ما جيت ابارك لك ولكن جيت باوصيك 
ffice" />
دي
العرض العادي
