قصة عبدالله مع جدته الميته

#1 (**permalink**) 01-21-2012, 12:09 AM

السلام عليكم

عبدالله هذا رجال ملتزم
وكان يحب شيخ اسمه وحيد عبدالسلام بالي
مدري هل الشيخ أعطاه كتب له أو إن عبدالله شراها
وشرى معها أشرطه
الكتب اتحاكى عن الجن والسحر وقصص الجن وكيف يقرون على المرضى
المهم إنها في عالم الجن
عبدالله كان يقول الأذكار قبل ما يرقد
إلا ذااك الليل
لا ورقد وهو يستمع لقصة وحده في الكويت
قالها الشيخ أحمد القطان
تيه القصه تقول
بأن وحده بنت شابه فيها جني
كانت تروح للمطبخ ولا أي مكان ياجون أهلها عندها
إلا وهي عجوووز
يعني قصه تخلع
رقد عبدالله وهو يستمع لتيه القصه وما قال الأذكاار
ومن هنااا تبدأ الملحمه
ودخل عبدالله الحلم
وشاف عبدالله في حلمه
بأن المجلس اللي هو راقد فيه
فيه ناااس جالسين كنهم في عزيمه
جلس معهم
شوي دق الجرس
نزل عبدالله يفتح الباااب
فتح الباااب
إلا هو بجدته الميته أم بوه
رحب بها ودخلها وقبل ما يطلع
دق الجرس زايدا
فتح الباب إلا هو بجدته نفسها
ايش العلم يا ولد
دخلت بعدها جدته نفسها
واللي بعدها واللي بعدها لين صار المكان كله جدته الميته
عبدالله يحاكي عمره
ويقول جدتي تيه ميته
أكيد إن ذوليه إنهم جن
طلع بسرعه لفوق
وجداااااته يلحقوووونه اللي هم أصلا وحده لكنهم نسخ مدري كم نسخه
لكن نسخه ملووونه
طلع فووق لي غرفة جنب السطح
دخل فيها وصك الباب عليه
وعين الشيخ وحيد
قال يا شيخ فيه جن يلحقوووني
قال معليك معليك
عبدالله خف الخوف عنده
لأنه قدام الشيخ وحيد والشيخ يهديه
عبدالله وهو جالس قداام الشيخ
كان فيه جني عريااان ورااا الشيخ
عبدالله صاااح وقااال للشيخ يا شيخ حندر في الجني اللي وراااك
حندر الشيخ ورجع بوجهه إلا والناااابين طااالعه
وشكله يخلع
عبدالله صاااااح وكسر الباااب وطلع
نزل للمجلس وجلس في الزاااويه وهو مختلع
إلا ومااااصوره تطلع من نص المجلس
وبعد ما طلعت
نبع منها نبعين
والنبعين اتحرك
النبع الأول صقع في عبدالله وسمع الشيخ الحذيفي يقرأ القرآآن
النبع الثاني بعد ما صقع في عبدالله سمع واااحد يقرأ أحاااديث
شوي إلا وأمه وبوه يقومونه من النوم
عبدالله
عبدالله
ايش اللي جااابك للمجلس
عبدالله قااام
قدهو يحس بعمره
عرف إنه ذالحين صاااحي
بس الجلسه نفس الجلسه والزاويه نفس الزاويه اللي كانت في الحلم
قال خلني أتأكد زايدا
راااح للغرفه اللي جنب السطح
عين الباااب مكسووور
واللي زاااد يأكد القصه
إن أمه وبوه قالوا له
بأنهم سمعوا ركيضه في الدرج يوم كانت الجن تلحقه
طبعا أمه بكت واختلعت عليه
خذت كتبه وأشرطته وأحرقتها
بوه بغى يضربه خوف عليه

عبدالله كان يطبق حلمه مع الجن واقعيا
وكانوا يطلعونه وينزلونه

فاللله الله بالأذكاااار
نعود نعين واااحد راااام بعمره من فوق سطح
ولا ذااابحن خوه
ولا باااالعن قدر

01-21-2012, 01:51 AM

الجن مايتكذب عنهم
اخوي ظل 7 سنوات يتعالج بالطب النفسي
ومن شيخ لاشيخ
لانه ضرب ناقةةةه
كان وقتهااا مراهق
بس الحمدالله تشافى
زين اني كنت توني صغيره
يعني ماافهم وش اللي يصير له

يعطيك العأآأآفيةةه
وووووووووودي
*،*