مو من طبعي أسرح أو أفكر لكن حبك خلق فيني التفكير

عمري ماغرت هذا اللي أذكر بس حبك علمني اشلون أغير



يامحلى حبك اللي غيـر دنيتـي يامحلى حبك اللي حقـق منيتـي

يامحلى حبك اللي غيـر حالتـي يامحلى حبك اللي سهرني ليلتـي



حبك في قلـبي كل يوم يكبر وقلبي بحبك مـن فرحته بيطير

حبك مصيـري و أنا فيه مجبر ويامحلى حبك مادام هو المصير

ياليت أقدر أزعل عليك نفسي أبات فيوم زعلان

المشكلة لو بعدت أجيك ولو قربت تلقاني هيمان

يعني صعب أزعل عليك وصعب أنام وأنا زعلان

أحيان أسوي مـاأبيك وزعلان وأنك الغلطان

لقيت اني ماأقدر عليك وما أقدر أسوي زعلان

أنا أحبك وأموت فيك وحبك أشكال و ألوان

ودي بهالدنيـا حبيب يستاهـل حناني معي على الحلـوه والمـره وماينسـاني

يقدر الأشواق أكثـر من جنون العشاق يعاهدني بلا فــراق و يوفـي الميثاق



يناديني حبيبي و لا يهـوى أحـد ثاني يحس فيني وأحسـه بالحيـل يهـواني

يشتاق لي اذا حس انـي لـه مشتاق أذوق غرامـه و غير غرامـي مـاذاق



لا ضاق صدره ماله غير دفا أحضاني من دفاها يسكـر و يعيش بعالم ثاني

أذوق بوسته وألقى لها طعـم وأذواق وأدمن عليها وعلى طلته طلة الاشراق



مثل ما أنا أتمنـاه هـو بعد يتمنـاني وأعطيـه الغـلا والحب دامه تمنـاني

أبي أحـس روحـه لروحـي تنساق أبيه يواسيني لا شاف صـدري ضاق



مين يستاهـل يخـاويني باقـي زماني مين يقدر يمسح دموعـي و أحـزاني

مين يستاهـل أهديـه حب الأعماق مين يتحمل جنـوني اللي مـاينطاق

أحبـه و الكـل يشهد بغـلاه أحبـه و منـه الله لا يحرمنـي

أعشـق فيـه جمالـه يامحـلاه ولـون عيونـه اللي تذوبنـي



يا ويلـي عليه لـو بس ألقـاه يروح يومه كله و هو بحضنـي

لكـن الزيـن ما يكمل حـلاه حبـه حلو لكنه حيل متعبنـي



يبيـني طـول الوقـت وايـاه ما أتركـه و لا يبي يتركنـي

مايبيـني أتكلـم الا معــاه وبجنون غيرته صـار يعذبنـي



و لـو تأخرت لحظة عن لقـاه يزعل و يقـول ليه تكرهنـي

المشكـله انه يعرف غــلاه ويعـرف انـه بحبـه مجننـي



لـو زعل أضيع في دنيــاه و أتمنـى لـو الأرض تبلعنـي

ياويلـي بس لو جاني جفـاه أتعب والبعـد حيل يضايقنـي



مـا أقدر أتحمل لحظة فرقـاه أتعب و أحس ضميري يأنبنـي

أحيـان أقول خلاص أبنسـاه و بروح وبقولـه لا تكلمنـي



و أقـول أحسن أعيش بليـاه ما أبيه يتصل و لا يسأل عنـي

يمكـن أرتاح من حبه وبلـواه يمكن البعـد عنه راح يريحنـي



و لمـا أروح وأتقابل معــاه ألقى اللهفة فينـي تقتلنــي

و أنسـى اللي كنت أنا أبغـاه وألقى كل أحاسيسي تكذبنـي



فجـأه ألقى نفسي بين دفـاه وأضـم صدره لين ما يحرقنـي

وأتنفـس من شفاته و هـواه وأقـول له ماأبيك تبعد عنـي



و أنسـى اني قلت أبي أنسـاه وأتذكر انه بالحيل واحشنـي

أحسـه مالـكني بحبه وغـلاه وبلون عيونه أحسه ساحرنـي




بروحـي وحياتـي أنا أفـداه فديت حبه حتى لو متعبنـي

ما أقول غير بجنـون أهـواه وعن حبـه اللـه لايبعدنـي