~, بن فطيس يرثي حال القذافي ,~

#1 (**permalink**) 11-14-2011, 09:46 AM

كلن على " معمر" يهج ركابه
يالله جعل مايصيبنا اللي صابه

..

حاكم وكان اسمه يهز العالم
واليوم باروا به جميع أصحابه

..

وحنا العرب نضحك ونرسل عنه
سوالفن بإسمه وهي كذابه

..

نضحك عليه وقصته حزينه
ماكن حنا مسلمين ولابه

..

لو واحد منكم رئيس لدوله
وبنا .. وعمر .. يوم كانت غابه

..

هو بيتنحا .؟ أوبيطلع برا .؟
ويروح من داره وريح ترابه

..

وحنا المواطن لا رحل من داره
من شوقه تضيق عليه ثيابه

..

" ابن علي " شلوه عقبه " حسني "
واليوم " ل معمر " سعوا طلابه

..

"وقابوس " مع " بشار " " واليماني "
" وابن خليفه " !! نارهم شبابه

..

الله يستر ويش باقي بكره !
ثوراتهم منهي لفت بأسبابه

..

الغرب للإسلام سوا خطه
شبوا الفتن والكل كشر نابه

..

يبغون خيرات العرب بأكملها
ويطرشون جنودهم سلابه

..

ماسدنا اللي صار في الفلوجه
وخلوا العراق من المجازر غابه

..

النفط صدر عقبهم لأمريكا
ماقيل : ذا خير البلاد أولابه

..

يا أمة محمد تراها بلوى
لاتضحون يصيبكم ماصابه

..

أبكوا على حال العرب بأكملها
وأدعوا عسى ربي يعز كتابه..!

كلمات الشاعر: محمد بن فطيس