"ديوآن عطش"..مـ أقسى ،، من إحساس الـ عطش إلا ‏( طرد السراب ) ...!

#1 (**permalink**) 07-07-2011, 11:23 PM

brb

07-07-2011, 11:25 PM

بس خلاص آنا تعبــــت وماأبيكم تنقدون!

أنتوا لو عشتوا حياتي كان ماقلتولي ليـــــه؟؟

تسألوني ليه أسكت وماتبوح إلا العيون؟!

وش أقول ووش أخلي ومنهو اللي أشتكيه!!

أشتكي طبعي و وضعي! وإلا ودي تسكتون..

ماأبي يزووود حزني وآنا أصلآ ماأبيــــه

أنتوا ليش بتذبحوني باسألتكم وش تبون؟!

يكفي ذابحني سكوتي وحرفي دايم يرتجيه :

تكفـــى ياصمتي تحرك وأسكن بوسط العيون

وخلني أبوح منه وأسكن شفاته وأتيـــــه

بس صمتي ماتركني وموووت حروفي بهون!

ومابقالي إلا عيوني هي تقربني إليـــه..

والله إني من نظرته صااااحت عيوني بجنون :

هذا هو اللي أحـــبه وهذا هو اللي أبيـــه

وكن صيحة نظرتي وصلت لنظراته بهــون!

ثم ناظر وألتفت لي وأشتعل صــمــت الوجيه

وأبتدت نظراتنا تحكي وتاخذنا لكـــون..

مابه إلا صمت وعيونن تمنى تحتــويه!

وظلت الدنيا كذا أعشــــقه بصمت وسكون..

وكل ماشافته عيني صااااحت ونــادت عليه:

هذا هو اللي أحبه وأعشقه حد الجنوون

وهذا هو اللي أمووت وأنولد في ناظريه

وبعد كل اللي ذكرته تجرحوني بالعيـــون

يكفي صمتي ماتركلي حرف واحد أرتــويه

لا تقولون إني أبالغ لا وربي بتندمـــون!

وبتـبتـليكم دنيتي بصـمت عيـون و وجيــه!!

..

شف عيـــونك وآضحـ(ن) فيها ميـــوول ..

تكفى صآرحني ترآها فآضـــحه !

وشف عيـــوني رمشها حـده خجــوول ..

مــــــت انآظرلك و كني ســـآرحه !

أدري خـــآيف حبنا فجأه يـــزوول ..

تجربة حبك بالأول جـــآرحه !

بس تطـــمن إلا قلبي مآ يصـــوول ..

ومآيشرب صآحبه مي مـــآلحه !

لا تنـــآظرلي كذا نظرة ذهـــوول ..

هذي انا وهذا قلبي و صـــآرحه !

فجأه قـــرب و اشتعل دمي شعـــوول ..

وإبتسم لي ومآت حزن البـــآرحه !

قآل [ أحبـــك ] قآلها و مدري شقـــوول ..

و سآل دمعي و استحيت أصـــآرحه !

و قآل آآســـف أدري لا يمكن أطـــوول ..

قلب وآفي يآ بخت من رآبـــحه !

قلت [ أنـــت ] و سآلت دموعي سيـــوول ..

[ أنت رآبحني ] و صدك ذآبـــحه !

قآل أحـــبك و صدي أسبآبه عـــذوول ..

شآع أنك بالخيآنه فآلـــحه !

قلت ويـــلك صدقت فيني جهـــوول ؟ ..

شخص حآقد مستحيل أسآمـــحه !

قآل شكـ(ن) مآهو تصديق العقـــوول ..

وإلا حبك بحر وآنا سآبـــحه !

و ابتدينا نحـــكي هالحب بفضـــوول ..

كن قلبه شآف قلبي و صـــآفحه !

وعشنا دنـــيا بالسعآده عرض و طـــوول ..

والغلا صآرت [ عطوره ] فـــآيحه !

..

‏ ‏لهيــت بدنيتك عني ومشيت بدربها نســـاي

خسآرة أصدق شعوري زرعته بدربك الضامي

خسآرة لهفة عروقي ليا شفتك ليمي جـــاي

أفز من الغلا كلي وأتمتم ‏تؤبر عظامي

وقلبي آآه ياقلبي نبض قلبي كأنه ‏نـــاي

من الفرحه عزف نبضي وتغنى بأروع أنغامي

تجيني تاقف قبالي وأمد من ‏الخجل‏ يمنــاي

أبتهرب من عيونك قبل لا تفــضح هيامي

وإيدك تمسك بـ إيدي وعطرك وسطها ‏حنـــاي

وتسأل كيفها أخباري؟ و ويني وكيفها أيامي؟

وأرد بصوتي الهادي : هنا كنت وهنا ممشــاي

هنا شفتك قبل مده وقلبي ثبت ‏خيامي

خسآرة جلستي جنبك.. خسآرة ضحكتي وحكـــاي

خسآرة حزني لحزنك.. بكاي و‏عظة إبهامي

جروح الحب أبنهيها بهاللحظه بكلمة ‏بـــاي

وأكــسر حبك بقلبي مثل ماأكسر أقلامي !

..

07-07-2011, 11:28 PM

أنت ياللي جاي تسأل هالعذاب شلون جاني!

ووشهو أصلآ هالفراق اللي شغل كل القوافي؟

الفراق إحساس قاسي ماتترجمه المعاني

مايترجمه إلا موقف لو تشوفه صحت كااافي

موقفي لحظة ودآع اللي عشقته من زماني

والله أنه يوم أسود فيه نور الشمس طافي

أذرف دموعي بحور وفي شواطيها جناني

دون أي إحساس أصرخ : لاتروح أرجووك مافي

وأمنعه وأصيح وأبكي وأتعلق فيه ثاني

كني طفله جت توادع أمها والجو دافي

من كثر ماهي حضنتها حست الصيف بثواني

ومن كثر ماعانقتها عاشت بجو(ن) خرافي

تبكي وتشهق وتصرخ : يمه خليكي عشاني

وأمها بكل حب تهمس : ياحياتي لاتخافي

ماأخاف! شلون وأنت كنت لي أمني وأماني

ولما أبرد كنت أدفى بحبك اللي هو لحافي

وش علامك ماتعاني مثل ماآنا حيل أعاني

هو أنا من جد أحبك وإلا قلبك صار جافي؟

‏والله أعاني مثلك أنتي ويمكن أكثر منك جاني

ووالله أحبك.. موت أحبك.. وحبك بقلبي فيافي

بس ابرحل.. لازم أرحل لاتزوديني عشاني

وامسحي دمعاتك اللي عيشتني في خوافي

وبكره برجع.. والله برجع وأحضنك شوق وحناني

وراح أعوض قلبك الغالي بدل حزنه عوافي

وراح عني وأبتعد وآنا تجمدت بمكاني

أبكي وأدعي "عسانا نلتقي في يوم صافي"

..

‏ ‏( يسعد صباحك‏ ) يابعد عمر من قال

.......... ويسعد صباحي فيك والعمر كلـــه ،

‏ ‏قم فتح عيونك ترى ليـلنا زااال ،

‏ ‏.......... قم جاوب أشواقي ترى الشووق علـــه

جيتك طفل أدمن حكايات الأطفال

.......... سولف لــ قلبي حاكني قوم يلـــه !!

ناظر عيوني بعدكم دمعها سااال ،

.......... ماغير أفكر فيك و دمعي أهلــه

هي كلها يومين و همومي جبـــآل

.......... وشلون أجل لو زاد يومين مثله !!

ماظن تلقا قلبي‏ و حالي الحال ،

.......... يمكن يجيني الموت قبلك يتـــله .!

يعني تحرك مد لي ايدينك‏ وصااال

.......... ترى حياتي دون وصلك ممـــله !

‏ ‏قم ونس أيامي وفرفش لي البال ،

.......... من فيه غيرك يستحق أبتسم له ؟!

والله من شفتك ولك خافقي مــال

.......... ولو تطلب عيوني فلا آقول ( لله )

يله تحرك قوم ياقلب من قال :

.......... ( ‏يسعد صباحك ) شوفني جيت يلـــه ،!

..

حمام الشوق بـ غيابك - يرفرف داخلي ويحوم ،

..................... ترك عشه وسط قلبي ، وحلق في سما صدري !

يدور عنك يسألني : ( علامك خاطرك مهموم؟ )

..................... ( علامه داخلك يبكي وقلبك شاب من بدري؟ )

ولا أدري كيف أنطقها : ( ضميره صاحبك معدوم )

..................... ( نسى تنهيدة أشواقك ) وهان بـ داخله قدري !

حبيبك خـآن - وجروحه حقنها بـ العروق سموم ،

..................... وجازاني على حبي دموعـ،ن جرحت زهري !

عيوبه شفتها بـ عيني - عجـز لايدسها بـ هدوم ،

..................... يخون ويمسك ايديها وأشوفه وينكسر ظهري !

أحس الكون لحظتها جحيـم وداخلي مهدوم ،

..................... وهمي آآه ياهمي - ذبحـني ونقصه عمري !

أخاف اني أضل أحكي وأزودها جروحك كووم ،

..................... ويرفرف شوقك بـ صدري - حنين - وينفضح أمري !

خلاص إنساه وإنساني - وحلق عانق الغيوم ،

..................... أظن أحسن من عناقك لـ قلبـ،ن ضاق به صدري !

..

07-07-2011, 11:37 PM

قال إنتهيــ‏ـنا ، قلت يعني وإذا كـان ؟!

........ قال وغـلانا ؟ ، قلت ويــ‏ـنه غلانا ؟!

قال ودمـوعك ؟ ، قلت ماتــ‏ـت بـ الأجفان !

........ قال وجنـونك ؟ ، قلت فــ‏ـارق سمانا !

ماعاد لك في داخلي قـدرا" وشــ‏ـان !

........ رميــ‏ـت حبك دام قلبـ‏ـك رمـانا .!

تحسب كذا بــ‏ـبكي وأجيـلك وأنهـ‏ــان ؟

........ وأقولك تكـ‏ـفى ، وتصرخ كفـ‏ـانا ؟!

ماني على خبــ‏ـرك دموعي بـ الأعيان ،

........ وأبكي كذا دايــ‏ـم ويبكي هوانـا !!

قســ‏ـاة قلبك أحيـ‏ـت بداخلي إنسـان !

........ بـ‏ـارد وقـ‏ـاسي مايهمه جفـانا .!

وش فيـ‏ـك متعـجب تناظر وحيــ‏ـران ؟!

........ رووح وتــ‏ـوكل لا تدور رضـ‏ـانا !

بــ‏ـاكر تعود وترجـع تقول ندمــ‏ـان .!

........ وفي وقــتها بيكون غيـ‏ــرك خذانــ‏ـا ..

..

أذكر انه كان لي بالصدر / قلب ..!

.................. وينه قلبي ماأحس بـ نبضته ؟!!

من لمحته والغلا بالقلب ( شب )

.................. يآعيونه جــن قلبي بـ نظرته !

والمشاعر كبها بالروح ( كب )

.................. يوم ناظر حيــرتني - بسمته !

جا لـ يمي ماحسبته يقـترب ،

.................. أرتبكت ونبض قلبي شتـته ..!

جا يناديني يسمعني طرب :

.................. إسمي بـ صوته ، هدوئه ، لكنته !

ليه جاني ؟ ودي بس ألقى سبب !

.................. كيف أسمي يعرفه ؟ وش قصته ؟

قال : كيفك ؟ كيفه عنقود الـعنب ؟

.................. و صــاح عقلي : مو غريبه كلمته !!

كنت ( طفله ) غير إسمي ماأحب ،

.................. وهو يعـاند يقهر أسمي بـ زلـته ..

ايه عرفـته ، ايه تذكرت الشغب !

.................. ايه ذكرت اللعب كلــه ولحظته ..!

كنت أحـبه ، وكان مثلي هو يحب ..

.................. و ( البراءه ) حبـنا هي نكهته .!

أذكر انه راااح فجأه وأغـترب !

.................. وأذكر اني تهــت لحظة غربته ..

عشـت بعده وفـ غيابه إنكتب ،

.................. أنسى حبـه وأنسى لعبة خطته !!

ومن لمحته طار نبضي له سرب !

.................. أثر قلبي شم ريــحة ( تربته ) ..

طار يمك ، مــل مني وأنسحب !

.................. ضــم صدرك ، ماتحس بـ نبضته ؟!!

..

البارحه ما نمـت ,. البارحه تهــت .!

........................... البارحه حسيت بـ الصدر [ كيـه ]

البارحه من كثرها اوجاعي أيقنت ،.

........................... أن الغـلا ماكان إلا / أذيــه .!

البارحه فكرت : هو ليه ماكنت ,.

........................... أقسـى أنا مثلك أو أزود شويه ؟!

البارحه والله ياني تحطــمت .!

........................... مدري [ الوفا ] هو صح وإلا خطيه ؟!

ذنبي إذا حبيت غيــبت ما فقت ,.

........................... أعيش أنا الدنيا حلومـ.ن شجيـه !

وذنبك إذا حبوك ناسـ.ن / تكبرت ،

........................... تـاخذ ولا تقدر ترد العطـيه ..!

يآ ليتني يومي عطيتك [ تحسفت ]

........................... وخذيت قلبي منك وروحي عصيه .!

بس البلا ماهو عشاني تعلـقت !

........................... من يعطي وياخذ [ علومه رديه ]

وأنا كــرم قلبي تعداك وأسرفت ,.

........................... أسرفت في حبك وجففت ميه ..!

خلاص من حبي ترى والله [ أفلست ]

........................... ماعاد لك بالقلب روحه وجيه .!!

..

07-07-2011, 11:38 PM

شوي شوي يادنـــــيا على قلبي وعلى شعوره

شوي أرجووك يادنيا تراني جد تعبـــــانه

ذبـــــحني الهم والفرقا وحزنـ(ن) طــالت دهوره

و ذبحني جرح ساكني بسبة ناس خـــــوانه

تعـــــبت اعانق أحلامي وأبروزها كما الصوره

تعبت أفكر أخطط وأنا أدري بأني خســـــرانه

خـــــذلني وقتي القاسي

ذبح أحلامي بغروره

و خذلني قلبي الوافي

جرحني بزود إحســـــانه

أبعرف ليـــــش من يهوى

ويعطي قلبه و زهوره

أبعرف بس ليه الناس

ترد زهوره عطـــــشانه

غريـــــبه والله هالدنيا

عجيبه كنها كوره

تدحرجني تحركني.. يمين يسار.. طربـــــانه

أبي أنـــــام مرتاحه وأبي أقوم مسروره

أبي أنام لكني فزعت وصحت حلمـــــانه

لقيـــــت الهم غطاني وحولي أحزان منثوره

ولقيت وسادتي دمعي وأنا بالنص غرقـــــانه

بكـــــيت بصمت لكني رجعت أنام مجبوره

لجل مايحس بي حزني ويبدا يفتح أعيـــــانه

وقعدت الصبـــــح وإحساسي تلاشت ثورة بحوره

هدوء الصبح أعطاني تفاؤل ماتت أزمـــــانه

زوايـــــا غرفتي.. وردي.. سريري.. نور الابجوره

سواد الليل أذكرهم.. وتوي شفت ألـــــوانه

وحتى لوحة فنــوني.. فراشي الرسم.. و حبوره

نسيت وجودها يمي مع اني كنت فنـــــانه

حيـــــاة اليأس غطتني بغيمة حزن ممطوره

وهمي كان (عاشقني) وروحي دوم حزنـــــانه

ولكن لحظـــــتي هذي أببدا منها منصوره

وأبنسى حزني الدامي وأعيش العمر فرحـــــانه

دعيـــــت الله ينصرني و نصري فاحت بخوره

عطور الفرح زارتني بفضل الله سبحـــــانه

يآ ربـــــي تكتب لعمري سعاده بأول سطوره

وتجعل دنيتي جنه وأعيش الفرح وإدمـــــانه

..