صانع الشعر ( احمد الصانع)

#1 (**permalink**) 04-20-2011, 02:00 PM

الاسم : أحمد محمد الصانع
مواليد : الكويت
الهوايه : فوضوي شعر
أب لثلاثة بنات ( أمل ، فاطمة ، نادية )

في احدى مقابلاته الشخصيه :
رداً على اسئلة طرحت عليه في احد اللقاءات

-متى تتقبل النقد ومتى لا تتقبله؟

أتقبله في كل الأوقات ولا أتقبله إن تحول إلى تجريح .
-قصيده كتبتها وبعد ذالك شققت الورقه لندمك على ماكتبت ؟
لم أندم على أي قصيدة كتبتها ولله الحمد .
-نشاهد الان حضور قوي للمرأه وشفنا هالشي بشاعر المليون
هل المرأه استطاعت ان تنافس الرجل بالشعر؟
بالتأكيد ، فـ المرأة أساس كل شئ
وصورة المرأة في شاعر المليون ( الشاعرة عيدة الجهني ) هي وجه مشرف للرجل قبل المرأة بالتوفيق لها وللجميع في كل المجالات .
-ماهي العلاقه بين الشعر والحب وهل كل ماتكتبه تحبه ؟
علاقة ترادف في أغلب الأحيان،
عن نفسي أحب كل ما أكتبه فـ إن شعرت أنني لا أحبه لا أكمله إطلاقًا .
-ليه دايم الشعراء يقولون مالا يفعلون ؟
ليس دائمًا .
-هل الشعر عندك وراثه أم موهبه؟؟
موهبة .

******

(..قصائده ..)..!!
تتغنى على اطرفه بوح النسيم ورقة الاحساس التي شغفتني وارهقتني ,,,,,,
معانيه تخرج من عمق بعيد جدا....!
اتمنى انكم تستمعون بـــ أديباً يمنحنا أبجديةٍ

X ... مقتطفاات ... X

حطبت الحُب ... وإنكسر لي فاس !
مريض وأرفض الراحه لأنك لو تجي طايب ..
علاجي بس لو أسمع من لسانك [ عسى لا باس ] !
أنا عقلي على درب الجروح فـ غيبتك سايب ..!
أنا فيني التعب عايش من رجولي إلين الراس !!
قوي قلبي ,, ولكني أحس / بـ غيبتك هايب !
تخيَّل كل ما أصبر على غيابك , تضيق أنفاس !!!
أتوب شلون عن حُبك وغلاك بداخلي شايب ..؟
أحبك كل يوم " أكثر " وفيني لك كثير إحساس !

( فتــّش جيـوبك ) ...!

ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له : خذني ...!
واذا قالوا : رَحَل عنِّك حبيبك ، فتِّش جيوبك
تطمَّن قلبي بـ جيبك حبيبي لا تدوِّرني !
لذلك قلت في نفسي أبي أبعد عن دروبك ..
تأكد غيبتي هذي عشانك إنت ... صدّقني !

لعبهـ جديدهــ

تِحَمَّلتِك / ولكنـه .. جُبرنـي الجـرح : أتكلم
خيانـه شِفتهـا مِنِّك .. عِطِـرهَا , تارس ثيابك
[ بنيتِك ] حُب في قلبي وإنتَ .. حضرتِك .. تهدم
كرهتِك حيـل صدقنـي .. وكِل هـذا مِن أسبابك
تقول : آسف ..؟! يا خلف الله !!
بقى بـ ( وجه ) التسامح / دم ...؟
أسامح كِل شي إلا الخيانــه , ونشوة إعجابك
أنا .. يا لِكْ أجـي واحد يساوي في عيونك كم
وإلا ما أجـي عنـدك وأغيِّـر , ناتِج أحبابك
تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك
وإذا تحسبني برجـع لِك .. بلاش تفكِّر وتحلم
لأنـي مُـو مثـل أوَّل أحقق , رغبـة أهدابك
قديمه لعبتك هذي .. وكفايـه .. ما أبي أفهم
[ رجاءاً ] ..
إبتعِد عنَّي أنا مُـو ناقص ألعابك

[ إنكسار حلم ] !

ماااات شاعر ..!
والمشاعر لا تزال !!
وما أظن ينفع بعد موتي سؤالك ..
والنهايه , شوفي يا بنت الحلال
لا حبيبك [ تَمْ ] ..
وما شفتي عيالك !
:

قنبلة احساس
مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَهـ
ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَهـ !!
فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!
إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..
وإن خذاني المُوت إترك قال وقيل ..
قول هـ الجُمله .. وخطاك محلِّلَه :
[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]

{ كمل جميلك }

حالتي صعبه / بدونك ..
وكيف حالك يا بعيد ؟
أشتكي منِّك إليك ..
ومن جروحي , أشتكيلك !
والله ما قصرَّت فيني بس ..
ودِّي لو تزيد !
يعني " إذبحني " وكمِّل يا بعد قلبي / جميلك !
أدري غلطاتي كثيره .. وفوق كل هذا عنيد
وش تسوِّي هذا حظِّك رغم زلاتي [ خليلك ] ..!
أقتلك ..
لا من خطيت ويا عسى عمرك مديد !
و أعذرك ..
لو كنت قاتل لأنه يستاهل قتيلك .!
ويلي منِّك لو نسيتك والزعل طبعاً " شديد " ..
ولو أحس لحظه بـ أنِّك منشغل عنِّي ؟!
يا ويلك ..!
كل عاذل جاك بَعْدِي .. وقالـ لك إنِّي : سعيد- ما صِدَق !
وين السعادهـ !
والحزن شيَّد رحيلك !
وكل عاذل قال عنِّي شي ..
- إحساسه بليد !
ما قدر ياخذ كثيرك ..
صار يطمح في قليلك !
وكل عاذل إن عطيته وجهـ ..
- ورَّااااك المزيد !
لو يقول إنَّهـ : يبيلك خير !!
والله ما يبيلك !
جيتهم طيِّب وأدري
في زماني ما يفيد !!
وش حصيل الطيب فيهم ؟
ومن فراقي , وش حصيلك !
بترك الدنيا عشانك !
دام هذا ما تريد ..
ويا عسى كلمة " عشانك " ..
تشفي يا روحي غليلك !!
الدليل إنِّي أحبك :
صرت أحسِّك بـ [ الوريد ] !
وأدري في قلبك يحبني دون ما أسمع دليلك !
في عيونك صرت ( شاعر ) واصل القمَّه / فريد !!
وصرت تسوى في عيوني كل بَني جنسك , وجيلك ..
مثل قلبك ما ألاقي ..!
ومثلي ما تلقى أكيد !
يعني ما عندك بديل ومستحيل ألقى بديلك ..!
يا غزالٍ شُوف قلبي
ما يبي غيرك يصيد
ولا بغيتك ..
أدري وينك
أسمعك , وأتبَع [ سليلك ] ..!
إجلس بـ عرش الفؤاد ولك أحاسيسي عبيد
وإعتبر حُبي نهارك , وقمرةٍ ..
تضوي في ليلك !
ياللِّي شيَّعت المفارَق إشرَب وصالي و أزيد ..
خذ دفا إحساااسي و " إدفا " ..
كان بردك
هد حيلك ..!
يا أجيلك
يا تجيني !
هذا هو الحل الوحيد ..
وإنتَ قرِّر يا حبيبي ..
يا تجيني
يا أجيلك !

[ حاتم الطائي ]

يجيني الجَرَحْ مِنْ إيدكْ .. وأصْفِـقْ كَفِّـي بكفِّـي
عَزْ أحبابي يطعَنِّي ويـداوي الطَّعْنَـه أعدائـي !!
( ثلاثْ أيَّامْ ) تِطْعَنِّي وأنا أشِيلِـكْ علـى كتفـي
كأنْهَا طَعنِتِكْ " ضِيفٍ" وقلبي ..... حَاتِمْ الطائي !!
:

طفرة ارباح ...!

( صديقي ) صار معناها بـ عيني .. واحدٍ " سفَّاح " ..
لأنهم أغلب أصحابي .. على الطعنات ذبَّاحه ..!
وفا شنهو الوفا ....؟!
[ شَمعٍ ] كثر ما يشعلونه ساح !!
ورمحٍ يصنعه وقتي ( وربعي ) حيل رمَّاحه !!
يجي واحد مُنى قلبه .. يشتت فيني [ الأفراح ] !!
وواحد ضاق لو يلمح عيوني .. تنام " مرتاحه " !!
و
واحد قال للثاني : من المُهرهـ أبَشْرِك طاااااح
كأن بـ طيحتي يلقى السعاده .....
و طفرة أرباحه !!

الوعد يوم القيامه ..!
ما حشمتي قلب شخصٍ له شموخ وله كرامـه
........... وما حسبتي حساب ناسٍ همَّهَا بـس النقيـده
شاعرٍ ما رَد حتى ...علـى لبَّاسـي العمامـه
................ وقلبك إنتي صار فجأه والله يـا حلـوه يقيـده
في الزمن نادر وجودي ويا كثر فيه الرخامـه
..............وصار عادي في زمنَّا الأخُـو يقتـل عضيـده
الحديـده فـي إيدينـي والقضيـه.. إتهامـه
............وإنتي القاضي وطبعاً ما تحسي فـي الحديـده
مركبي الغرقان بَسِّك لا تزيـدي فـي حطامـه
...............كل ما ألمح نجاتي صـارت أمواجـك شديـده
صدقيني حيل أحبـك والوعـد يـوم القيامـه
................ويل من هو كان يكْذِب وكانت ذنوبـه جريـده
إتركيني لجل عينه .. كان لك حُبـه إبتسامـه
.............المهم إنـك تكونـي يـا بعـد أحمـد سعيـده
إنسي اللي صار كله وصيري له منبع هيامـه
...........وإن ذكرتيني بغيابي قولي عن روحـي فقيـده
ما أبي من قلبك إلا .. طول عمره والسلامـه
............. خَلِّي بالك من زمانـك دنيتـك هـذي عنيـده