هبوب الشمالي
خلاص من طرق المـــواليف عزلت
و قطعت مع بعض الخطوط اتصالي
ياما على شان الحبــايب تحملت
و ارخصت للخلان حالي و مالي
و مشيت في درب المحبه و طولت
و سهرت من فرقا الحــــبايب ليالي
و اقفيت في درب المواليف و اقبلت
و ياما انعمس جــوي و ياما صــــــفالي
و اليوم جنبت المـــحبه و بدلت
ابي اضرب الفرجه وحيدٍ لحالي
من كثر ماقاسيت بالـحب وش نلت
غير الشقا ياهل الهـــــوى وش بقالي
قلت الكثير و لا حصل ربع ماقلت
احلام هبتها هبوب الشمـــــــــــــالي
مادام يرفض واقــــــعي ماتخيلت
قررت اعيش العمر داله و سالي
| 
العرض العادي
