أبيك تكون سجّاني
ابرحل عن وجع قلبي ابترك كل أحزاني
وأسافر عن ديار الهم أبهجر جرحي الدامي
ابرحل عنك يا الهاجس ولا بعطيك عنواني
عساي أنسى وتنساني وتنسى دربك إقدامي
أبمشي للمسافة شوق أدور عن وطن ثاني
أخلي جفنه امراحي عقب ما كلت إجهامي
ابترك خلفي الحسرة ابترك لوعة ازماني
ابترك كل ما عفته عقب ما شابت أيامي
تعبت ارشف من أوجاعي من اللوعة من أشجاني
بكاسٍ عاكرٍ مرٍ ابي من نبعك الجامي
أبى تسقيني الفرحة أبيك تطفي نيراني
أبيك تشتت أوهامي أبيك تحقق أحلامي
أبيك تغوص في جوفي تشوف الخافق العاني
أبيك تنفض اغبارة أبيك تلملم احطامي
أبيك بكل ما فيني أبيك تكون بستاني
أبي عنابك الخمري أبي تفاحك الشامي
أبيك تضمني بعينك بنن العين تنساني
غريق بغية اعيونك ابسقي قلبي الظامي
أبيك تغمض اعيونك يصير الرمش سجاني
أبي في جنة النرجس اقضي تالي أعوامي
أبيك بكل أحاسيسي أبيك بكل وجداني
أبيك أبيك لي لحدٍ لا متت وبليت إعظامي | 
..
العرض العادي
