هل تقبلين بزوج راتبه 2500؟

#1 (**permalink**) 12-15-2010, 03:38 PM

السلام عليكم ورحمة الله وبركاته

كلنا يدرك الصعوبات التي تواجه الشاب في الحصول على وظيفة وكلنا يعلم الظروف التي نمر بها وتفاقم نسبة البطالة بين الشباب

لصعوبة الحصول على وظيفة مناسبة براتب مناسب

وبطبيعة الحال فإن أغلب الوظائف المتاحة لايتجاوز راتبها عن الـ2500ريال

فهل هذا الراتب المتواضع قادر على أن يفتح بيت وينشئ حياة زوجية سعيدة يكمل بها الشاب نصف دينه؟

وهل تقبلين بزوج راتبة 2500 ريال ؟؟

الموضوع للنقاش بين الشباب والشابات

12-15-2010, 08:39 PM

فهل هذا الراتب المتواضع قادر على أن يفتح بيت وينشئ حياة زوجية سعيدة يكمل بها الشاب نصف دينه؟هو قليل بالنسبه للوقت الحين كل شي صار نار وغالي بس اذا كان الرجال كفو بافكر مليون مره قبل مارده وارفضه لان الفلوس مو كل شي وبامكانهم يتعاونون ويعيشون احلى حياه

وهل تقبلين بزوج راتبة 2500 ريال ؟؟نعم اقبل اذا توفرت فيه جميع الشروط المطلوبه

12-17-2010, 12:26 AM

وهل تقبلين بزوج راتبة 2500 ريال ؟؟
الي روآتبهم كذآ تلقينهم مآكملو درآستهم
وآنآ مآني مستعدة اتزوج وآحد مو متعلم ولا مو مكمل تعليمه

يعطيك ـآلف عآفية

12-25-2010, 10:55 PM

يسسسسسسلمكم ربي يالغوالي على هالطله

ودي

12-26-2010, 09:06 AM

اقتباس:

وهل تقبلين بزوج راتبة 2500 ريال ؟؟

الرضا بزوج براتب مثل هذا الراتب يتربت عليه امور كثيرة

لننظر للموضوع بشكل موضوعي ومنطقي

ماذا لو كان البيت ايجار ؟ خصوصا مع موجة غلاء الايجارات هذه الفترة؟
ماذا لو كانت الزوجة غير موظفة ؟
\\ فكيف لهذا الشاب ان يتدبر اموره .. ايجار بيت اقل ماسيكلفه شهريا 1000 ريال ..
مصروف للبيت لنقل 700 ريال \\

كم بقي من الراتب 800 ريال .. ياترى تكفي لباقي التزاماتهم الاسرية
هذا ان تحدثنا انهم بدون اطفال
كيف لو كان هناك اطفال..

في ظني ان الموافقة على شاب راتبه 2500 ريال مغامرة على البنت
معرفتها ومعرفة ماستقع فيه .

\\ رايي هذا ما طرحته الا من خلال تجارب شاهدتها في حياتي.. مع اناس اعرفهم.
صدقوني كثير من المشاكل تحصل بينهم خصوصا مثل ماقلت اذا كانت الزوجة موموظفة
والبيت ايجار . \\

انا هنا لا اعيب الشباب ذوي الراتب القليل .. ولكني ألوم اصحاب الاعمال
وخاصة اصحاب القطاع الخاص وهضمهم لحقوق شبابنا في وظائفهم وورواتبهم
بالمقابل نجد الاجنبي يجني راتب اعلى مع كثير من البدلات ..

ندورة يعطيك العافية على هالموضوع
تحياتي

12-27-2010, 06:51 PM

وهل تقبلين بزوج راتبة 2500 ريال ؟؟

لحظه لحظه..< الكل لازم يقرأ ردي ..

أكيد بيكون تو متوظف فبيكون الراتب قلييل..
يعني مثلا بينزلون له راتب 10 ألاف أول مايتوظف..!!
شوي ويترقى .. ومو شرط إنو يكون اللي راتبه قليل مو متعلم..

وأنا أقول أهم شئ الأخلاق حتى لو راتبه1000

واختي تقول أهم شئ يكون جميل <

..< رأي أوختي..

<< وأحترم رأي الكبار..

وبس ..
موضوح يستحق النقاااش
لأن جد الأيام هذي في بنات يرفضون شباب على اساس راتبهم ..
وينصدمون بعد كم شهر إنهم ترقو في الوظيفه..
ويندمووون على رأيهم ..

وبس تشاو..

12-28-2010, 02:56 AM

انا اعترض مع كل وحده تقول وش المانع اني اتزوجه
قولوا ليه ؟

لانكم تنظرون للموضوع نظرة عاطفية ..

طيب انتم تقولوا اتزوجه وبعدين يتضبط وضعه ويصير راتبه اعلى ..

طيب مرت سنة وحاله مثل ماهو والله رزقكم بطفل ,, وزادت المصاريف

مرت سنة ثانية والحال مثل ماهو بالذات انه خلوا بالكم مافيه شاب راتبه 2500 الا يكون
موظف في قطا ع خاص ,, يعني مسالة تحسين الوضع صعبة شوي

وكمان انه يحصل وظيفة ثانية هذي اصعب اكثر لانه فرص التوظيف في حالة شحوح.

مرت السنة الثانية والوضع مثل ماهو .. الطفل كبر وزادت مصاريفه .. والبيت لازال ايجار

اسمحوا لي اقولكم انتم تغالطون انفسكم ..

راق لي النقاش والتحاور هنا

12-31-2010, 06:47 PM

وهل تقبلين بزوج راتبة 2500 ريال ؟؟
الفلوس مو كل شي اهم شي الحياه الزوجيه تكون سعيده

يمكن الوحده تاخذ واحد يكون راتبه عالي
بس ينقصهم السعاده

فالفلوس مو كل شي بالحياه لان فيه شي اكثر من الفلوس لان حلات الزواج ببساطته وتفاهمهم
واحترامهم لبعض هذا بحد ذاته يغني عن مال قارون

01-01-2011, 09:52 AM

(اذا جاءكم من ترضون دينه وخلقه فزوجوه)

مو ذنب الشاب انه ماحصل وظيفه زي العالم والناس مايتزوج مثلا؟؟؟؟

لكن بالصبرمع الاصرار وعزيمه من الزوجه تقدرتساعد زوجها يوصل ممكن للمستوى اللي هي تبي

بقولك شئ انا خواتي لما تزوجو ازواجهم بعضهم شهادة متوسط بعضهم مو حاصل عليها

بعدحتى وظايف ماعندهم والان وصلو للماستر والدكتوراه ماشاء الله وصلت رواتهم الى 15 و18 الف

انا اعتقد ان هذا الشئ يرجع للزوجه نفسها والكعبه ماتعمرت بيوم وليله الحياة الزوجيه

يبي لها صبر وتحمل الا اذاكنتي دلوعه الماما والبابا خليك في بيت اهلك احسن

وسوووووووووووري ع الاطاله <<<مشكله الحماس

يعطيك العافيه يالغلااااا

01-30-2011, 09:49 PM

غفالفلا ة