ديوان الشاعر الكبير بندر بن سرور العتيبي

#1 (**permalink**) 10-19-2010, 11:14 AM

الشاعر بندر بن سرور

هو بندر بن سرور بن خضير القسامي العتيبي
ولد وترعرع في القراره بمدينه الدوادمي سنه 1360هجري
توفي والده وهو صغير السن وعاش مع عمه بعد زواج والدته من رجل اخر.
عاش الحرمان منذ صغره وربما السبب فيما وصل اليه بندر من موهبة شعريه فذه

درس حتي المرحله المتوسطه وتوظف في الجيش السعودي وارسل للكويت اثناء حرب الصامته وتهديدات عبد الكريم قاسم حتي وصل الى رتبه عريف في الجيش الكويتي

قال بيت له عندما اتاه احد الدائنين يطالبه بماله
الدين واجد و الوظايف تعيسة *** والعسكرية خلت الراس شايب

10-19-2010, 11:15 AM

الله من عين طرقها صواديف

:: ₪ ::

:: ₪ ::

الله مـن عيـن طرقهـا صواديـف
عميت ويبسن العـروق الصخافـي
شفت الوزابالعين من عرض ماشيف
شفته وغيري من فطن له وشافـي
وقت تغير فيـه حتـى العواصيـف
جافي عواصيف الريـاح اختلافـي
شـره قناطيـر وخيـره مقاطيـف
يفطن له اللـي يرضـع الديدغافـي
كم واحد جاله زمانه علـى الكيـف
واغترته نفسه يبـا الجـود وافـي
يطلع مطاليـع العيـا بالسواليـف
بين العـذارا عـد روحـه اسنافـي
يفرح بهرج بالقفا ويكـره الضيـف
قتـات والقتـات بالنـار هـافـي
يعلق قصيره علقـة النـار بالليـف
عي ولـد عـي زنـوده اضعافـي
ان رخصت الحذوه توقي عن الحيف
وان غليت الحذوه مشى اللاش حافي
يرقـد ويلحـق والدينـه تخاليـف
دايـم ومرقـد ميـت النـار دافـي
هومادرى ان الجود يبغـى تكاليـف
سهـر الليالـي مقبـلات مقـافـي
يبغـى ايديـن للعطايـا مغاريـف
ويبغـى ارجـول ماتمـل الوقافـي
والصبر بنحور السنين الشواحيـف
اللي قساهـن مثـل حـد الرهافـي
مايقدرون الجود سـود الاطاريـف
امشاركة بيض النسـاء باللحافـي
يقدر عليها اللي حكم نجد بالسيـف
واودع قبايـل والقبايـل اولافــي
عبدالعزيز اللـي يبـث المصاريـف
يجـدع قناطيـر الذهـب بالفيافـي
يمشي على دربه جمـوع مزاريـف
نـوٍ تنثـر مـاه والجـو صافـي
تشدي لواقيـط الزبيـدي بعدريـف
مما كسـا البيـدا تفيـد الضعافـي

• + - - - - - - - - - - - - - - - - - ₪ - ::

10-19-2010, 11:17 AM

سر ياقلم 00 مالي على الصبر طاقه

:: ₪ ::

:: ₪ ::

سر ياقلم 00 مالي على الصبر طاقه
صبري تعدىْ الحد ماعـاد ينطـاق
إكتـب لمثلـي قصتـه واشتياقـه
في خطك الواضح على بيض الاوراق
قصـة حزيـنٍ صافـي الحـرذاقـه
أنا بذكرى ماصله خاطـري ضـاق
باقوا به الاصحـاب والوقـت باقـه
وصار الضحيه بيـن بايـر وبـواق
يمشي وهو ماحس في كسر ساقـه
أمسى على ساقين وأصبح على ساق
وهذي سواة الوقت شين اصطفاقـه
الوقت لويصفي لك أيـام 00 دراق
لاشك يامـن معـك عقـل ولباقـه
بنصحك كان انك للامثـال تشتـاق
صـادق رجـالٍ يعرفـون الصداقـه
يقفون صفك يوم يبسـات الاريـاق
ومن يرغب افراقـك فعجـل فراقـه
جاز الذي يجزيك : إفـراق بفـراق
يقوله اللـي جايـر الوقـت عاقـه
ولازال في غيبوبه الهـم مـا فـاق
حظه على اقشر شي للنفس ساقـه
بقبور الاحيا 00 ينتظر يوم الاطلاق

• + - - - - - - - - - - - - - - - - - ₪ - ::
----------------------------------------

10-19-2010, 11:18 AM

ياسخيف الذرعان مانيب مـــــــــــرجوج

:: ₪ ::

:: ₪ ::

رجتنـي الأيـام غـدر وحيـلـه
تركـت نجـد وعـزوة بالقبيلـة
مسقي الفيافي لين يـدرج مسيلـه
حملـة عتيبـة كلهـا ماتشيـلـه
ومنين ماصـك البحـر يرتكيلـه
وإن غاب غبت من الرجوم الطويلة

• + - - - - - - - - - - - - - - - - - ₪ - ::
----------------------------------------

10-19-2010, 11:19 AM

يابنت ياللي عمرها صدر وردوف

:: ₪ ::

:: ₪ ::

بيض محاجرها وحلو نباهـا
عيني بعد هاك الرمد قل ماهـا
بأسباب رجل بعدتها خطاهـا
اومى بحالي لين تابس عصاها

• + - - - - - - - - - - - - - - - - - ₪ - ::
----------------------------------------

10-19-2010, 11:19 AM

ياهل الونيت اللي يبي مشتل البيب

:: ₪ ::

:: ₪ ::

مادق صدره بالخطوط الغزيـره
يشدي تخثع جادل فـي حريـره
قد جربه بالبيت الأبيض خبيـره
لعاب زينات البيـوت العسيـره
الوقت دربنا علـى كـل سيـره
ياما كرهت النفس من باب خيره
واليا اقبلت يازين صافي غديره
واليوم ادوج مالقيـت اتعميـره

• + - - - - - - - - - - - - - - - - - ₪ - ::
----------------------------------------

10-19-2010, 11:19 AM

الله من شي بحالي نحفها

:: ₪ ::

:: ₪ ::

من مالجى بالقلب حالي نحيفـه
بين كداها بالعـروق الصخيفـه
يصد عـن صرافهـا لايضيفـه
قلبه صدى واطراف جسمه نظيفه
للي يبي المنهاج مثـل القطيفـه
وانهج من الدار المحل للمريفـه
شيب تشيـب مايحـول رديفـه
وقت يقص العظم من حد سيفـه
لاتعتزي بأهل النفوس الضعيفـه
ترى بعض بيض المجالس مجيفه

• + - - - - - - - - - - - - - - - - - ₪ - ::
----------------------------------------

10-19-2010, 11:20 AM

لاوالله الا طولن بالوقوفي

:: ₪ ::

:: ₪ ::

عيا يحملهـن خبيـث التجـاره
متى نجي ياعبيد مع خشم صاره
مقعد امبير الزيت نيم الحـراره
فرت كما وبل السحايب غبـاره

• + - - - - - - - - - - - - - - - - - ₪ - ::
----------------------------------------

10-19-2010, 11:20 AM

بديت ذكر اللي بسط سبع بوتاد

:: ₪ ::

:: ₪ ::

واللي رفع سبع بليـا عمدهـا
لاقبلها صارت ولا مـن بعدهـا
ساق المراجل لين وقف عددها
كبـد يداويهـا وكبـد لهدهـا
سمت على شيب الفلاحي ولدها
ماكل من هاز الطويله صعدهـا
من خوف روحي لايجيها وعدها

• + - - - - - - - - - - - - - - - - - ₪ - ::

10-19-2010, 11:20 AM

الا يانديبي فوق دوج عليه شراع

:: ₪ ::

:: ₪ ::

ماقال انفخ التشريق جاء في مواصيره
يهيظك مع السكه تـزاوغ معاصيـره
يقربك من دار ويبعـدك عـن ديـره
سمع من وراه الفوج غنت مواطيـره
ماجاه المعاون يشتغل في مساميـره
رزيمه رعـد مـزن تهلـع دناقيـره
شتلـه برابـع مايضيـع تغايـيـره
مسك مع يمين الخط ويلـد لأنبيـره
منصيـه شيـخ ماتبطـل جزازيـره
يدلـك بفعلـه كاثـرات دواويــره

• + - - - - - - - - - - - - - - - - - ₪ - ::
----------------------------------------