ديوان محمد بن فطيس المري

#1 (**permalink**) 08-13-2010, 03:48 PM

ودي بك وأبيك وأباك وأبغاك

ودي بك .. وابيك واباك وابغاك .... جمعتها لرضاك واختار فيها
شف ويش منها يتبع احكاك ورضاك .... واللي لك اسقي مسمعك لا ضميها
غديت افراحكاي واساير احكاك .... وانا تشرف لكنتي واهتويها
مضمونها ودي بشوفتك واهواك .... ياللي دروب اهل الردى ما تجيها
صانك ولي امرك وحبك وداراك .... لاقدر ردع الحظوظ ومجيها
نفسك مهذبها وعز الله رباك .... مايدري ان جيش الهيام يغزيها
والله قسم يبلاك بي وانت يبلاك .... باللي سواتي في العرب يرتجيها
محبة ذربه من القلب تكساك .... محبة صدق الهوى يكتسيها
يامرك قلبك بالوفا لي وتنهاك .... ناس على لاماك تفرك يديها
رزين عقل ومن مزايا مزاياك .... نفسك تحب وعفتك تمتطيها
وتطيع عقل ما بعد زل واغواك .... مشاعرك تعصاه وانت تعصيها
ماشفت منك الا عيونك ويمناك .... محبة راع الردى ما يبيها
يقبض فوادي لا تخيلت فرقاك .... ياشف عين ما سواك يعنيها
وياعزوة اخوانك ومطلب هذولاك .... ناس محبة والدك تدعيها
ناس تخدم ابيك كله لعيناك .... وهو يحسب ان الله عليه يهديها
ياجعلها تفدى على الارض ماطاك .... والله بمن هو مثلها يبتليها
لكن لعب في ياوليفي تغلاك .... ونفسي غلاك من الصدود يحديها
تبطي علي وانا هنا واتحراك .... وكبدي لواهيب الصبر تشتويها
اجمع علومك امن هناك وهناك .... والله لو انها تنشرى لا اشتريها
وعذرك انا لاهي يا ويش اللي الهاك .... لاهي ومرمنت لاهي تليها
كانك مشكك في الوفا والغلا هاك .... جوالي اقر القائمه كل ابيها
رقمك مع الصادر ولا وارد اسواك .... والناس في اللي لم يرد عليها
واياك واياني...واياني اياك .... من غيبة من دون عذر يحميها

08-13-2010, 03:50 PM

مية عام ..

عقبال ياماخذ فؤادي مية عام ..
.. ضيعتني منك وانا ما اهتديتك

لا ..ما نسيتك كيف بانساك ما دام ..
.. ذكرى الفراق تهزني لو نسيتك

حبك قدر وانا على دين الاسلام ..
.. مكتوب في وجه الجبين ورضيتك

لك في الضمير الود والحشمه اتوام ..
.. ولي في ضميرك مثل ما انا بغيتك

ولك منزل في نايف القلب وخيام ..
.. وذود الغلا ترعاه ولا شكيتك

يفطر عليك القلب وان فارقك صام ..
.. والله لونك شوك سدره كليتك

القلب طيرٍ لادعي للهوى حام ..
.. والا انت وكره من كثر ماهويتك

كن العيون من النظر عقبك ايتام ..
.. وكني ماريت الا انت من يوم ريتك

وكنك معي وانا فقدتك من اعوام ..
.. مع الخيال القاك كني لقيتك

من صعب وصلك ما تهنيتك احلام ..
.. وان جابتك فزيت شوق ومحيتك

يعني وصالك صعب واهدافي اوهام ..
.. يعني زرعتك للقدر ماجنيتك

صبرك يقولون العرب كل الايام ..
.. يوم عليك ويوم لاجاك جيتك

ويا قلب ياللي ورثك اجروح وآلام ..
.. بليتني ماهو بانا اللي بليتك

ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لاابدلك وان جيتني ماشريتك

والا انت ياللي جيش عينيك مقدام ..
.. لا اقنعت منك والرجا مارجيتك

كني سجين بين..افراج ..واعدام ..
.. وكنك سجن وانا بنفسي بنيتك

تنبيك عن حالي محاصيل الالهام ..
.. وتخبرك نظراتي نهار التقيتك

عقب الوصال اللي على عين من لام ..
.. قدهو يكفيني عن الوصل صيتك

وقدني الى مريت بالشارع العام ..
.. لديت من ما في الضمير ودعيتك

ادري ان صوتي ماقطع عشرة اقدام ..
.. وادري بي اعود الى من نصيتك

ياشينها يامحنيٍ راس الابهام ..
.. ماقدر على شوفك وانا عند بيتك

الاعمار ما تضمن وانا اخاف الاحكام ..
.. ارثيك خاف اودعك ما رثيتك.

08-13-2010, 03:51 PM

ياهيـــــــــــــه ..

ياهيه اللتفت لي واسمع ادعاي لك ياهيه

ترا عادك بتشبع من البعد واتواجه

دعيتك بصوت ياصلك ليه ما توحيه

وانا اسمع ضلوعك من صدى الصوت لجاجه

عليك الفؤاد اخلاجه مصمٌخ راعيه

خف الله في راعيه ما تسمع اخلاجه

ترا العفو قد جاك اوله واغتنم تاليه

وترا الحلم بحر غيم لا تامن امواجه

وترا الود ليل مظلم جيت لك ساريه

سراجه وصالك والجفى ينفخ اسراجه

وترا قصرنا اللي كم سنه نجمع ونبنيه

هوى الهذل طيٌح بابه العود وسياجه

لي ايام مدري وين دارك ولا ادري ليه

وانا خابر اني باب شفك ومزلاجه

غياب بلا سبٌه هجاد بلا تنبيه

وجفا أغلا العرب نار على الكبد وهاجه

نضج قلبي من البعد وش حاجتك تكويه

جفاك الجمر والصبر في بعدك الصاجه

طبع حبك بقلبي والايام ما تمحيه

هذا هجرك يحاول يموجه ولا ماجه

يموت الامل لكن ضنون الغلا تحييه

وعروق الوفا فالروح والقلب وجاجه

خبرتوا حد يبكي على واحد يبكيه

وخبرتوا حد مسجون ما يبغي افراجه

احبه ولا ابغضته على شيٌن ايسويه

ولا زالت ارقاب الرجا فيه منعاجه

عسى منزل ضمه حقوق الوسم تسقيه

وتضحك له الدنيا وهو يضحك أحجاجه

فقد خاطري شي من الضيقه مسليه

وغدت روحي من الناس والليل هجاجه

اروح لمكان خابره.... خابره ياتيـــــه

اسوق القدم صوبه وهي مالها حاجه

مكان نزيه وأول مواجهي له فيه

وانا خابر ما رجل مثله بدواجه

لعل وعسى ما حدني للمجي يدعيه

واشوفه وانا ماودي اسبب احراجه

يحب الجريح اخر دروب اللقاء ويجيه

وتحب القدم جيُه مكان اول مواجه

08-13-2010, 03:52 PM

في هالزمن ياصاحبي عيش دنياك .....

.. .. .. ..لا لا تـحـآول تـفهم اللي حوآليــك

فكر بشخص طول هالعمريـفـدآك

.. .. .. .. واتـرك بقآيآ حكي مآ آظـن يعنيـك

تكشف لـك الأيآم مـن كـآن يهوآك

.. .. .. ..ومن هو يـمثل دور إنــسآن يغليك

ناس نسوك ونـاس ناسين نسيآك

.. .. .. ..وناس تناسوآ ناس ناسين ناسيك

وناس رؤوس أموآلهم بس طريآك

.. .. .. ..وناس يشوفون الفقر فـي طوآريـك

وناس ليآ شآفوآ الزعل في محيـآك

.. .. .. ..تسآبـقوآ مـن فـيهم اللي بيرضيك

وناس لو انك تنحرق فيك بــلوآك

.. .. .. ..خـلوك وحـدك تـنحرق فــي بلآويك

صعبه تلآقي فالبشر بعدفرقــآك

.. .. .. ..مـن يـذكـرك بـالخير لا حـل طآريـك

ما كل من حاكآك بالصدق حآكـآك

.. .. .. ..حـتـى الـمـنآفق لو تركتـه يحآكـيك

وما كل من خآوآك بالطيب خآوآك

.. .. .. ..حـتى النـذل لو جات فرصه يخآويك

خل النبآهه عند هـالنآس مبــدآك

.. .. .. ..والصد عـنهم خلّـه أسمى مـبآديك

أعطآك ربي من تفآصيل مـا أعطـآك

.. .. .. ..عقل وتحكم مَن مِن النآس شآريك

ما توقف الدنيآ على شخص جآفآك

.. .. .. ..حـــآول تطنش وابتعد عن مجآفيــك

انت الوحيد اللي أبدمـا تـنـآسـآك

.. .. .. ..وانـت الـقــريب وأعتبر رآحتي فـيـك

شفت الحروف اللي به الكون ويآك

.. .. .. ..مــا أظــن تــقدر بـالمدآيــح توفّــيك

وطــول النجوم اللي ضوت بعد طريآك

.. .. .. .. ماأظن تضوي لـو تـنـآسيتـ طآريــك

انت الغرآم الـمرتـسم فـي حنــآيآك

.. .. .. ..يــجذب عقول هآيـمه فـي معـآنيــك

لــولآ إلـهــي ثـم بــعـديــن لــولآك

.. .. .. ..مـا كـآن للإحسآس طآري وتشكيـك

يآصآحبي في هالزمن عيش دنــيــآك

.. .. .. ..وأحكم بعقلك من من النآس يغليــك

08-13-2010, 03:54 PM

،؛، .. يا قـــو قلــــبـــك .. ،؛،

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

08-13-2010, 03:56 PM

ماجور ياللي من فراقك تعلمت ..

ماجور ياللي من فراقك تعلمّت
إن الزمن يومين طيّب .. وخيّب

فاجئتني بمفارقك ماتولـمّت
كذا بدون أسباب عني تغيّب

مامت من فرقاك لكن تألـمّت
وشيّبت بي ياصاحبي قبل اشيّب

ولولا السحا من عاذلي ما تلعثمت
طاولته اللي في يدي من قريّب

اضحك و اسولف وإن لحقني سهر نـمّت
لكن ورب البيت ماني بطيـّب

اكافح اهل الشمت بالمست .. و الصمت
ومن شوفتك صدفة قعدت اتهيّب

أخاف اشوفك و أكسر الصمت .. و السمت
وادعيك تو الناس و أنا مغيّب

تدري من المخطي ولو ماتكلمت
ياللي لظني ظنتي ماتخـيّب

08-13-2010, 04:06 PM

دكتور العيون ..

(يامؤمن الريفي )انا جيتك زبون..
.. جيتك على مدح اكثر الناس وعنيت

جيت وتعالى الله عمّا يشركون..
.. لولاه (يامؤمن) لطبك ما اهتديت

راضي بحكم الله علي مهما يكون..
.. عالج عيوني لو بعد طبك عميت

ودي اخاشر فالبصر من يبصرون..
.. واشوف دربي لا سرحت ولا ضويت

والى قنصت اثبت مع اللي يثبتون..
.. واشوف طيري كل ما اوميت ودعيت

ياااكثر ما يضرب خويي (الطابلون)..
.. من كثر ما اكلّته مطباات وكليت

وودي اشوف اللي علي يعرضون..
.. وبعض الليالي ودي اسري دون ليت

وااشوف ناس ٍ فالقفا ما يرحمون..
.. اما وقفت لصاحبي والا مشيت

من دون نظاره ولا هم يحزنون..
.. يااا كثر ما كسّرت كشمات وشريت

لكنٌ يا دكتور جعلك ما تهون..
.. ابغيك كلمت راس دامك ما بديت

اسمع......ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

هي راس مالي والعرب ما يدركون..
.. اني على باب الممات و ما حكيت

ياقو قلبي يوم قفن الضعون..
.. اللي على ذاك الموادع ما بكيت

ويا صبر صبري والعواذل يحسبون..
.. اني دلهت من الهوى والا سليت

اسكت عساهم من سكاتي يسكتون..
.. وانا عن اللي في ضميري ما انتهيت

وادور الفرحه مع اللي يسهرون..
.. وان ذكروني خذت فنجال وسريت

اخذت من وقتك يا دكتور العيون..
.. عالج عيوني لو بعد طبك عميت

واستر علي واللي معك لا يفطنون..
.. انت الوحيد اللي بعد ربي دريت

08-13-2010, 04:08 PM

ليه المسا عوق الشقاوي وطبه ..

ليه المسى عوق الشقاوي وطبه
ولية الهبوب تصحي القلب لابات

ولية القمر يدعي جريح المحبة
ويقول ياهية مافات ما مات

جرحك ظهر لو قلت للوجه خبه
وللحزن في ضحكك رسوم وعلامات

ولية المطر بالذات ريحة وصبة
كنة رسولن بين الاحباب بالذات

اشتاق فية لشوفتك واتنبهٌ
للي نسيته من مواقف ونظرات

لستانس الخافق ذكر من يحبة
ورجاي راجع في الوناسات مافات

يامرتع القلب الحزين ومربة
يزين بك مثل الذهب صدر الابيات

هيهات ينسى القلب شخصن يحبه
وهيهات يدلة خاطري منك هيهات

نبع الغلا عندك وعندي مصبة
ومن الولة في خافقي لك ولايات

وطيفك حطب عيني وعيني مشبه
والشوق بردن مانقطع دون لحظات

ومكانك الصدر ولك القلب شبه
بين الضلوع اللي فردها التنهات

ولك بيرقن في القلب حبك يهبة
شامخ ولاهزة من العذل غارات

محبتك في الوقت ذا ما تشبة
الا بخيمة بدو بين العمارات

وان شفتني ضايق واهوجس واسبة
اخاف غدر الوقت وللوقت دورات

لاتحسبن دمعي نزل دون سبة
ابكي من الفرقا وهي مابعد جات

اليوم كل امورنا مستتبة
وبكرة ماندري وش معه من مسرات

ارب قلبك مثل قلبي اربة
ما يخلفة كثر العذل والمسافات

08-13-2010, 04:09 PM

،؛، قد عطيتك ،؛،

قد عطيتك وانت ماضنك لئيم ..
.. والنصيحه لليالي تذكره

لاتحرك جرحي الماضي الاليم ..
.. ولاتحسب ان طول بعدك طهره

كل جرح يهون يالجرح القديم ..
.. وكل شي قد مضا معك اذكره

جرحي وذكراك والليل البهيم ..
.. حزت فوادي بمثل المنشره

العذول غراب وانا اكبر غشيم ..
.. والجروح الماء وطاريك حجره

والزمان اكرم من الحظ الكريم ..
.. لانفتح لي باب صوبك سكره

وحبك اللي لاطرى لي رحت اهيم ..
.. قمت احسب اصغر كلامك واكبره

ليتني عاد الهوا توه فطيم ..
.. انعذلت لعاذلي بس خيره

مالقيت من الوفاء يااول نديم ..
.. كون صدق الحزن وجهه وظهره

عقب رمح الشوق في وجه الصميم ..
.. سيف هجرك في قفاه وشف ثره

وانت شكلك تحسبني في نعيم ..
.. لني اخبي صوابي واستره

لايغرك حلم رجال حليم ..
.. مهون اللي من سكوته فجره

ولاتحسب الجفن من دمعه عقيم ..
.. يستحي منك والى اقفيت انثره

ولايغرك وان بدا جسمي سليم ..
.. والله ان جسمي سوار المقبره

والله ان امر من ضحك الغريم ..
.. شوف حقي بين اياديه اشكره

والله ان احر من دمع اليتيم ..
.. دمعة الرجال من فرقا مره

08-13-2010, 04:11 PM

ماني بمن ياتي ولا يدري به ..
.. شطرٍ حفظته ما أعرف كتابه

شطرٍ يناسبني لمثل الليله ..
.. وآشوفني في ذا المكان أولى به

أبا أتكل بالله ونعمٍ بالله ..
.. اللي ما يوصد دون خلقه بابه

باقول واللجنه تقيم قولي ..
.. ومن كثرة الشعار ماني آبه

الحمد لله واثقٍ من روحي ..
.. وإن كنت ذيب فالرجال ذيابه

ما أقول أنا أشعر واحدٍ في العالم..
.. لكن قصيدي كفو وأنا أدرى به

الشعر جمعنا لو تفرقنا ..
.. حدودنا وظروفنا الغلابة

الله يبيض وجه راعي الفكرة ..
.. عز الله انها تنحسب لحسابه

والله يبيض وجه من يرعاها ..
.. محمد الله يحفظه لأحبابه

محمد ولد زايد عريب المجنى ..
.. ولي عهد الديرة الخلابة

الشعر تاريخ لنا من مبطي ..
.. وإعلامنا يوم السنين نهابه

الشعر بيت والوزن عمدانه ..
.. معناه طنب وقافيته حجابه

الشعر وادٍ فيه صيد واجد ..
.. وكلٍ على الوادي يهج ركابه

والأفكار صيد وكل شاعر قانص ..
.. وكلٍ يدسم شاربه مخلابه

أحد خياله حر .. وأحد وكري ..
.. وأحدٍ خياله كوبجٍ بقطابه

وأنا خيالي كل ما هديته ..
.. حول على الوادي وصاد عقابه

شاركت أمثل ديرتي وربوعي ..
.. وكل يمثل ديرته وأقرابه

والله إلى الله راد والله قاله ..
.. إني لا أسلمها الفخر وكتابه

داري قطر .. وأنا هنا أمثلها ..
.. المجد مطلوبي وأنا طلابه

عهدٍ علي إني لا أشرف داري ..
.. ترك صبي ما يعز ترابه

شوفوا دمي من حبها عنابي ..
.. وحماستي من ضوها شبابه

شاعر خليجي والعروبة بيتي ..
.. والبيت ما ياقف بدون أطنابه

وإن عودت بين القبايل فزعه ..
.. أنا أشهد إني في اللوازم لابه

لي في القبايل ربع .. وأقدرهم ..
.. ماني بمن يجهل مقام أصحابه

وإن عودت لأصلي .. فأنا أصلي مري ..
.. من صلب يام أهد القنا وخضابه

قومٍ لنا فوق المعالي بيرق ..
.. والسيف قوة سلته بنصابه

الشعر طوقني وأنا طوقته ..
.. قمت آتمشى به وأفك أبوابه

يا بنت ياللي تفرقين بعودج ..
.. ما ألومهم لو كثروا الخطابه

لامر بج دربج على خلق الله ..
.. قالوا كذا بالأصبع السبابه

زينج يزينه فعل أبيج وجدج ..
.. وإنتي بدورج للنقى كسابه

قومي تباهي بي .. وفلي راسج ..
.. عليج من ستر الشرف جلبابه

وإن ما سترتج بالفعول وباسمي ..
.. فعقبني الفنجال يا صبابه