اخواني الكرام امل ان تحوز على رضاكم0 اخواني احد الاخوان يقول لي ياسعد انت مافيه اسم الا جبت فيه قصيده 0قلت له باقي انت بس اسمك مهوب زين كان تبي احط فيك قصيده مقلوبه واقسم لكم ان رده لايخوي فكني منك ومن قصيدك مابيه لازينه ولاشينه 0 واقول0
يامل قلبن تتلّه نوف=تل المعاويد لرشاها
جاهل وقلبي يحوفه حوف=عجزت ياربعي انساها
توّه صغير وحسين وصوف=كامل مكّل سجاياها
الجسم ناعم ونابي ردوف=اموت في نظرة اشفاها
عزّاه ياقلبي الملهوف=النفس ما حصّل دواها
عقلي غدا عقبها مخفوف=اكز رجلي ورا خطاها
من شافني قال ذا مصروف=واقول عمري من فداها
بالحب مايوم جاني خوف=رجلي تعرف وين مسراها
من لامني بالغضي ملقوف=ماشاف صكّت ثنياها
والخد نوره يخطف الشّوف=وقذيلت الزّين محلاها
الى ابتسم صحت له يانوف=يانوف نفسي على اقصاها
يانوف سوّي بي المعروف=نفسي قنوعه بماجاها
وسلامتكم0اخواني ابي اورد لكم بعض الابيات التي على مطلع القصيده
بيت يقول
ياتل قلبي تلتينن بتلّي=تل الرشا من فوق عسر المتلّي
شاعر له قصت حب شريفه حصلت باحد القرى القريبه منّا قديما وانا احفظ القصه كامله 0يقول
عدّيت بم عنيق من دون تبريق=وهلّت دموع العين من شن حداها
وانا احسب ام عنيق تفرج من الضيق= واثر الحضيض اللي سلم مارقاها
ياتل قلبي من علو المعاليق=تل المعيد اللي طويلن رشاها
لاتلّته من بين عوج الزرانيق=من عيلمن مايلحق الشوف ماها
على عشيرن حرّق القلب تحريق=حبّه جرح كبدي وحالي براها
ايضاح ام عنيق رجم يبنى بمكان مرتفع حول البلد مهمته كبرج مراقبه يكشف القادم الى البلد من جميع النواحي0 العيلم هي البير الطويله التي تتجاوز20مترا
يامل قلبن تتلّه نوف ***تل المعاويد لرشاها 
.gif "95")
= 550) this.width = 550; return false;">
= 550) this.width = 550; return false;">
العرض العادي
