يتك تعيش بواقع الحب لو يـوم
و الا تشوف لوضعنـا ذا نهايـه
بالحب أنا يا غاية النفس مظلوم
محتاج يا لغالي لعطف ورعايـه
لي السهر ولعاذلي لـذة النـوم
من شان حبك ما سهرنا هوايـه
ما صابني من نظرة العين مقسوم
أسيـر حبـك لا تحطـم رجايـه
ما كل عين تجرح القلب بسهـوم
و ما كل من يرمي يجيد الرمايـه
أنشهد إني منك يا زين محـروم
معك ابتديت وفي هواك النهايـه
فات الأوان و لا تزيدون باللـوم
الصبر بيدي يوم قلبـي معايـه
بالاسم والمعنى و ما قلت مفهوم
يا شمس عمري يا بدر في سمايه
|