ياخوي عطني مجالي=بقول هرجن بغيته
ذكّرتني حب غالي=خلّن شراني وشريته
الحال ياهمّ لالي=من حب خلّن هويته
مانيب انا عنه سالي=لوغاب عني نصيته
ولوغبت انا عنه جالي=يجيني لو مادعيته
مغير اغنّي ولالي=لامن طرالي وبغيته
يطول بعض الليالي=لاصار ماهو في بيته
احس بالقلب صالي=واموت تسعين ميته
من البيض هو راس مالي=عن كل شخصن حميته
زينه تعدّا الخيالي=وماله شبيهن لقيته
لو كان ماهو صفالي=درب الهو مامشيته