ماذا يعني لك الشموع ؟
يعني لي كل شي حلوو بحياتي , بيتي الثاني ,
-من من الأعضاء تهتمين بطرحه..وتتحمسين لمواضيعه؟
خفقات قلب , أمير بكلمتي , جنون مورينهو , كــيوت
-لكــل منــا صفــة يكرههــا فــي نفسـهـ و يحــاول تغييرهــا ,, ماهــي الصفــة اللــي تكرهيـها فـي نفسـكـ وبودكـ تغيـرهـا ؟؟
العصبيه
-ماهو أصعب موقف مر بحياتك وترك بصماته بذاكرتك ؟
<<وش هالسؤل هنا الفضايح تجي
<< سؤال محرررج وخاااص بصراحه أممم أكيد بتكون مواقف صعبه كثيرة
لكن بقول لكم موقف صار لي وعمري 6 سنوات وعجزت أنساه
بما أني كنت وقتها أصغر وحده يعني دلوعة الماما
فزوجة أبوي تخانقت مع أمي وحطت الحرة فيني تعرف انها بتقهر أمي مسكتني وهات ياونة وضرب وطق عالكيف طبعا أنا موب فاهمة وش الذنب الي سويته وش الغلط موب فاهمة المهم محد أخذ حقي منها أنتظرت الين يجي بابا ورحت الا وزوجته جالسه تصيح عنده وتقول انا أعتبر نفسي امها الثانيه المهم اللوم صار علي جاء ابوي المحترم ويمسكني طق قال أمي دلعتني ويبي لي طق
وقسسسم أنجنيت ولليوم أتمنى أن وقتها كان عندي أخ كبير ياخذ حقي منهم
وبسسسسسس ولاتعيدين هالنوع من الأسئله الخااااصه يادنيا يادووووبا<< فضحتينن
-كيف تواجهين الاقوال الحاسدة اذا كانت موجودة ؟
|•--{ لســت الأفــضل .. ولــكن لي أســـلوبي }--•|
سأضل دائما .. اتقبل رأي الناقد والحاسد
فالأول يصحح مساري .. والثاني يزيد من اصراري
سكوتي لايعني
[ جهلي ] بما يدور حولي ,, ولكن ماحولي لايستحق [ الكلام ]
حدثينا عن اختيارك لمعرفك ونة الم ، وهل لاختياره دلالات غائرة في وجدناك؟
(ونة ألم) أخترت هالنك نيم لأني واجهت صعوبات كثيرة بحياتي
ووحده بعمرري ماتتحملها لكن الحمدلله على كل حال ...
من هي ونة خلف الكواليس ؟
ههههه حلوة خلف الكواليسس حسسيت اني شخصيه
وش أقووول أشياء كثيرة تخص ونة
أنسانه حساسه تحب تظحك عشان تنسى أحزانها وتعيش حياتها
أحب الوناسه
نظامي بالبيت أصحى الصباح أتصفح منتديات وأشعار أروق على القصايد
والظهر طبعا مايطبخ الغدى لأهلي الا انا مدرري وش هالنظام الي فاقع مخي بس يالله يستاهلوون
بالعصريه أطلع أو أختي تجي عندنا او أقعد عالنت
والعشاء اذا فيه عزيمه عندنا أنا أسووي العشاء
وأذا مافيه أمي تسوي خفايف ع العشاء
وبسسس وهذا روتين حياتي ويومياتي هذي ونة خلف الكواليس ( بالبيت)
عبارة جميلة قيلت لك واعجبتك والى الأن راسخة في ذهنك ؟
يامعجزة عمري وتبسيطك عمر
أستبسطه وأعيش به وأستعجزة
يأم العيون اللي بصحوتها خمر
وتفقد بخمرتها العقول المنجزة 
هل كلمة آسفة تخرج منك بسهوله؟
بسهووله وبقوووة بعد أذا حسسيت اني غلطانه
شيئ غائب تودي لو أنه يعود ؟
أيام المتوسطه
ماذا تعني لك الكلمات التالية
لقاء<<< اليوم المنتظر من بعد الفراق
صداقة<<< أجمل شي في الوجووود
كره<<<< شخص في قمة الدناءة والأنحطاط
عناد<<< شخصيه قويه وراس يابس
شكولاته<<< روووقان
لو رجع الزمن الى الوراء ماذا كنتِ ستغيرين بشخصك؟
التفكير بعاطفه وتفكير بقلب
صفي لنا شعورك وانتي على كرسي الاعتراف؟
وناسه , أحرااااج , مغامرة , الفضايح طلعت
حكمتك في الحياه ؟
من مات واسمه حيّ مامات لو مـات ...ومن مات ذكره مات لو كان به روح
لديك ورقه وقلم فماذا ستكتبين فيهاا لـــ دنيا ومن يدري ؟