07-05-2010, 12:26 PM
|
#9 (permalink)
|
| 
ــــــــــــــــــــــــــــــــــ
سينما الجهرا
ــــــــــــــــــــــــــــــــــ
فـ سينما الجهرا
كان الواحد يدفع مية فلس ل "عنتر : يغزو الصحرا" !
ميّه وخمسين فلس لعنتر : "يغزو الصحرا " !!
ميتين فلس لعنتر 00 يغزو
الصحرا ,00والمتغطرس من ظلمتها ينبت شمسين !
(طبعا غزو الميتين احسن من غزو الميّه وخمسين )!!
000000
فـ سينما الجهرا00
مية فلس لعنتر: يغزو الصحرا
ميتين فلس لعنتر: يغزو الصحرا
ميتين وخمسين ل عنتر : يغزو النعمان بن المنذر !!
ويرجع داحس والغبرا !!
(وف الاعياد ويوم الجمعه يغزو كسرى )!!
0000
لكن لو ماعندك تدفع ايش راح يجرى ؟!
:000
أبداً 00
يسحب عنتر كرسي عند الباب ويجلس يقرا !
يقرا ف أرقام مفكّرته
يوطا خدّ امّه بالنعل
وعنتر تتخنزر عنترته !!
تُفرك عبله بين اثنين وعنتر لا ينكر معرفة الخزي ولا يعرف منكرته !!
عنتر سينما الجهرا هذا :
عبد لمن يدفع تذكرته!
[line]
ــــــــــــــــــــــــــــــــــ
بطاقه
ــــــــــــــــــــــــــــــــــ
سلامتك
الله يرجع للدروب خطاك
للصبح ابتسامتك
سلامتك ...
من قلب يرسل مع سلامه خفقته
سلام ....
.... تك !
سلامتك
ياللي الرياض آن ذعذع الما
واسفهل القحويان
أضيع في غمّازتين خدودها ..
وثمامتك!
***
أعرف احسك
بس ما اعرف كيف اصيغ معناك
أغسل بشمسك
ظلمتي .. واقول آنا مضناك
.........
........
مثل الرياض أنتي حنونه مبهجه
مثل اغنيه للبدر عبد المحسن
تغافل ضجيج المركبات .. وتتجه
لهناك
.........
.......
أنا ضلوعي أثل , وانتي
مثل .... مالك مثل ..
إلا الرياض ان ذعذع الما
واسفهل القحويان
وضعت في غمازتين
خدودها
وثمامتك
سلامتك
[line]
ــــــــــــــــــــــــــــــــــ
الكتابه
ــــــــــــــــــــــــــــــــــ
خارطة تعقبها رقصة واحدة حول دخان له أشكال ثلاثة !
الكتابة :
إبرة ٍ مثقوبة ٍ من لا مكان
في لا زمان
إبرة ٍ يدخل بها خيط الدخان
وينسج الشاعر ثيابه
. . .
(1)
غرغر الما في نراجيل العطاشا
قلت له : مهلك
آه ياهذا الدخان اللي تلاشا
ليتني مثلك
لا فقدت اهلك
ولا بكوك احباب
علمك فـ جهلك
صادق ٍ كذاب
تهلك وتهلِك
. . .
(2)
الدخان اللي يسافر في الزوايا
شهوة البارود
شاف وجهه - كانت عيوني مرايا - :
جثتين ودود
في الليالي السود
ثرثرت طلقه
الزمان : جلود
والفضا : خرقه
والحدود : حدود !
لي حبيب ٍ كلما افضّ الرسايل
أوقظ نعاسه
البخور اللي لفظ وسط الجدايل
آخر انفاسه
صب لي كاسه
كلمةٍ .. كلمة
من فقد ناسه
لا ذبل حلمه
يشهر احساسه .
[line]
ــــــــــــــــــــــــــــــــــ
تكوين
ــــــــــــــــــــــــــــــــــ
واذكر اني ..
ليتها ماكانت عيونك مرايا :
* التفت للباب حزنه
- التفت - ومالقيت احد معي -
للباب حونه
للستاير .ز حزنها ..للقلب مزنه
للقصايد وزنها ..!
ا
ل
م
ك
س
و
ر
في وجهي شظايا !
واذكر اني ..
جيت اغير وجهة الارض..
بشظايا لهجة رثه
مادريت ان الكتابه:
ثعلب .. ينهش لحم جثه !
وموت وسط موت
والورق تابوت !!
***
واذكر اني ليتها ماكانت عيوني قصيده :
إدخليني !!
*....
واذكر اول مادخلتيني في ليله
عرسها المبروك :
وجهك صار شوك ..
وبعت انا وجهي لحرفين بجريده!
***
والتقينا اخر الدرب
لايدينك صارت انهار السلام
ولا.. يديني صارت الحرب
......!
واذكر اني ..
صارت الدنيا بنا ألغاز !!
[line]
<<< قصائد المدح والرثاء >>>
[line]
ــــــــــــــــــــــــــــــــــ
الملك عبدالعزيز
ــــــــــــــــــــــــــــــــــ
هي الصورة اللي ماحفظها لنـا بـرواز تجلت ملامحها على كل صـدر وسـام مية عام من عمر الوطن لكن الانجـاز الا من حسبته كان مليـون ميـة عـام ملك في عصاه الارض ماهي عصا عكاز عصا يومه يطوح بهـا تنعـض الايـام وهو مافتح قاع وهي بير نـص وقـاز فتحها وهي جردا وعلى بهـا الاسـلام بدا بالرياض من اربيعـن كـرام عـزاز وخلا جميع اللي سكنهـا عـزاز كـرام وشاف الحسا فوضى طلاسم كما الالغاز وقال ابشري بي فوق خيل بليـا لجـام تلفت لحايل قـال لاواهنـي مـن فـاز بها وانتهض ومعزي ان قام يعني قـام ونخاه الحجاز وصاح انا للحجاز حجـاز عن الضيم شفها هو به اليوم من ينضام وهوكانها عنـد العلـم ليـث مايعتـاز وهو كانها عنـد الحـرم سيـد الخـدام رجل كـل ذره فيـه تتنفـس الاعجـاز كانه خلق لجـل اتباهـا بـه الاعـلام عطايـاه لاتحصـى مزايـاه لاتنـحـاز لمسلم على مسلم وفي الحـق ماينـلام ولـولاه لـولا مـدة يديـه للمعـتـاز فلا مصر مصر ولاهي الشام نفس الشام بأفعاله المسهب , وفي قولـه الايجـاز وهو مرجع الدنيا اذا مـن بغـت قـدام مية عام من عمر الوطن لكن الانجـاز الا من حسبته كان مليـون ميـة عـام
[line]
ــــــــــــــــــــــــــــــــــ
الكتب من عناوينها
ــــــــــــــــــــــــــــــــــ
النجوم لمحبينها
الجبال بشياهينها
الكتب من عناوينها
تعرف وتنقرا
للعزوم في ميادينها
للملوك لبلادينها
للسعودية بدينها
تحتمي في ذرا
فهد بن عبد العزيز
*****
مثل شربه للفناجيـل يشربـك الفهـد يالمصايب كن ربـي خلقـك مهيلـه عل ثوب العافيه ما شربه قبـل وبعـد للأمام الي رعاهـا علـوم ومرجلـه رافع روس اصدقـاه ومعادينـه بعـد لا ورفعت رؤس الأعداء تجيك مجلجله حي فاله والله انه مليك امـن انولـد الجواب الي شفت به صدور الأسئلـه هو أعز وأكرم وأطيب وأوفـا وأشـد هو أعف وأعدل وأقرب وأرحم صلـه طال عمرك يا فهد عد ما ساجد سجـد في صلاه وما جرت في الشفاه البسمله ربي انت الخالق الواحد الفرد الصمـد دم على هذا الوطن وحدته واحفظ هله وإن ظمر لك جاهل بسوء يا أكرم بلد يبشر بسيل من العلـم يجتـث جهلـه رجل الأمن الي على مهرة الشيمه لكد حي فاله يـوم يجتـث روس ممحلـه هو حزام ظهورنا في المهمات الأشـد ثوب الأمن الي لبسناه بالعمر غسلـه شر خلق الله على الدين وانفثهم عقـد الخوارج واخر الكفر اشد مـن اولـه والفتن خيل المنافق خبيـث المعتقـد ربي لا ترفع لمثلـه مقـام ومنزلـه |
|
|
 |